معركة بقعاء؛؛ من اشهر معارك نجد والجزيره العربيه

مـعـــــركــــــــة بـقــــعـــــاء


معركة بقعاء من أشهر المعارك في نجد .. كانت في عام 1257 هــ وهي بين شمر بقيادة عبيد العلي ال رشيد وبين اهل القصيم بقيادة يحيى بن سليم ومن معه من عنزه ..



كانت هناك بعض الخلافات بين عبدالله العلي ال رشيد حاكم حائل وابناء عمومتهم من ال علي وال طواله .. وحصلت بينهم بعض المعارك الى ان نقل الامام فيصل بن تركي الى مصر ففرح اهل عنيزه لظنهم بأن ابن رشيد لم يعد له حليف يحميه ... فكثر اعداءه انذاك ...


لكن ال علي وال طواله التفوا حول عبدالله ال رشيد لصد اعداءه عنه ..

واعداؤه هم يحيى بن سليم أمير عنيزه
و عبد العزيز العليان أمير بريده
و برجس بن مجلاد رئيس الدهامشة من عنزة

وعندما تجمع شمل شمر بعث الأمير عبد الله أخوه الأمير عبيد بن رشيد لملاقاة أعدائهم وهم هل بريده وأميرهم عبد العزيز العليان أهل عنيزه وأميرهم يحيى بن سليم(أبو صالح صعوط المجانين ) ومع أهل القصيم الدهامشه من عنزه برآسة غازي بن ضبيان وقاعد بن مجلاد .

ابن رشيد وهو بطريقه لبقعا وعند ما نوخوا بالخافر وجتهم العيون وقالوا لهم ان هل القصيم بخويطه ، ومعهم من عنزه الدهامشه كلهم واللي تبعهم وانهم مالين السهل والوعر وانهم جيش كثيف يتفوقون عددا ومن الصعب هزيمتهم ...

عندها اشار بعض اتباع عبيد ال رشيد عليه بالعوده فحصل بعض الخلاف والشد والجذب قسم كبير منهم اشاروا عليه بالعوده لصعوبة الموقف مع كثرة جيش خصومهم لكن عبيد رفض وفي هذا الموقف قال قصيدته المشهوره






القلب من كثـر الهواجيـس قـزان =ما يستريح من الدهر ربـع ساعـة
يا غافر الزلات يا والـي الاحسـان =تجعل من التقوى لنفسـي بضاعـة
أنا علـى لانٍ وربعـي علـى لان =متخالـفٍ رايـي وراي الجماعـة
ماني هتيميٍ يربـت مـن الضـان =وياخذ على فرد الجماعـة رتاعـه
أنا ولـد علـى سلايـل كحيـلان =ربـي خلقنـي للسبايـا وداعــه
عيبٍ على اللي يتقي عقب ما بـان =و يرضى طمان النفس عقب ارتفاعه
الناس ما تسقيك لى صرت عطشان =ولا يشرب المضمي حدا من ذراعه
اضرب على الكايد ليا صرت بحلان =وعند الولي وصل الرشا وانقطاعـه
اما تجيب عقود حـصٍ ومرجـان =والا فهي لبليـس طار بشعـاعـه
وطرابه الدنيا مـع الفجـر دخـان =وكرارتٍ بطراف خطو الصعاعـه









فاشتعل حماس جيش ابن رشيد بعد ذلك للقتال بمن فيهم من اختلفوا معه واشاروا عليه بالعوده ...
ثم انطلقوا متجهين الى بقعا حيث لقوا خصومهم من اهل عنيزه وبريده والدهامشه من عنزه فحدثت معركه حامية الوطيس فانتصر ابن رشيد وجيشه في المعركه التي قتل فيها وحده تسعين فارس منهم امير عنيزه يحيى بن سليم الذي كانوا يسمونه ابو صالح صعوط المجانين ...

وفيه قال عبيد



ذبحت ابو صالح صعوط المجانين = واودعت دم الشيخ بالقاع سايل






وفي وصف المعركه يقول عبيد في قصيدته المشهوره






يا مل قلبٍ بين خمـسٍ وعشريـن=هجسٍ وهاجـوسٍ وعـدلٍ ومايـل
يديرهـن دولاب الافكـار تسعيـن =بالصدر ينشـر دقهـن والجلايـل
واصبحت منهن خاليٍ كـود ثنتيـن =سعدى ومصقولٍ يـداوي الغلايـل (1)
وخماسيٍ غمقٍ صوابـه وجوزيـن =إلى اقرنوا قحص الامهار الاصايـل (2)
يا دارنا من جـاك جينـاه عجليـن =بالليل نسـري والصفـر والقوايـل
فإن كانهم عنـا بالانشـاد محفيـن =من الراس ما نعتـاز دز الرسايـل
جينا مع اول سربة ٍ وقم الألفيـن =كن الشهر بـه ديدحـان المسايـل (3)
حضر الجبل والبدو ناسٍ صليبيـن =يتلن لنا حمـرات شقـر الجدايـل
جينا صبـاح وهـم لنـا مستكنيـن =وثار الدخن من حر صلـو الفتايـل
وحصل لنا عقب المواصل وفا الدين =وراعي السف ردت عليه الجمايـل
من فضل رب العرش عدل الميازيـن =صارت على القصمان وأولاد وايل
عجاجت ٍ تجلى صدى القلب يا حسين =دبيلـة ٍ مــا مثلـهـا بالدبـايـل
كم ميمـر ٍ داجـو عليـه الغلاميـن =خلوا دماغه عـن علابيـه مايـل
ربعي مرويـة السيـوف المسانيـن =خلو صفا بقعـا مـن الـدم سايـل
واللي ذبحت بشذرة السيف تسعيـن =منهم ولاني عـن طردهـم بسايـل
ذبحت أبو صالح صعوط المجانيـن =واودعت دم الشيـخ بالقـاع سايـل
واللي وطينا مـا تشـوف المحبيـن =والكـذب تنفـاه العلـوم الصمايـل
جونـا يبـون ديارنـا والبساتيـن =يبغـون منزلنـا قفـارٍ وحـايـل
يقول جده يوم صولة هـل الديـن =قـادو عليـهم ذاهبيـن الحمـايـل
ونكس على ربعه يسوق الفراميـن =فيـدة عماهـم تايهيـن الـدلايـل
يصيح مثل البارحه ما هنـا شيـن =ولا حصل له غير قطع الوصايـل
واليـوم يبغونـا وحنـا معيـيـن =نجدع بحد السيف من جـاه عايـل
أغداه بالمكحـول خـرط الفراقيـن =وعرضاتهم في مشرفـات النثايـل
أطاع حكـي الذايـدي والسلاطيـن =كم واحـدٍ قبلـه رمـي بالحبايـل
ناسٍ يبـون العـز منهـم ذليليـن =وش قال مشعـانٍ بهـم بالاوايـل
واللي عطوا حق الديـار الهزازيـن =وحنا الى عدت علوم القبايل
ربعي على حرب المعادي ضريرين =مـن سابـقٍ كسـابـةٍ للنفـايـل
عندي له اللـي يلبسـون التواميـن =إلى اجذبوا شروى بروق المخايـل
يتلون عيد الضيف ريف المساكيـن =الشيخ أبو متعـب عزيـز النزايـل (4)
ان سلم راس الشيخ فحنا عزيزيـن =ارجيه من معطي العطايا الجزايـل
إلى بغا أمرٍ مـا يطيـع المشيريـن =الحيـد شيـال الحمـول الثقـايـل
وصلوا على قنديل سكن الحجازيـن=رعي المقـام المعتلـى والرسايـل
ومني عدد ما شمّع اللبـن بالطيـن =او مـا لبيـت الله تشـد الرحـايـل





1- سعدى ومصقول : سعدى فرس عبيد بن رشيد .. ومصقول سيفه
2: خماسي ٍ : يقصد البواريد
3-وقم الالفين : حول الالفين
4: الشيخ ابو متعب هو عبدالله العلي الرشيد اخو عبيد

دمت ودام ابداعك

شكراً اتمنى لك

التوفيق

مشكور وننتظر جديدك

أختك ونة خفوق

يسلمو ع المجهود الرائع

يعطيك العافية اخوي

ماقصرت

اتشكرك ملايين