قصيدة غزلية لشاعر محمد الخس

[align=center]سبحان من سوى الأوادم من الحور = أنا شهد ان الله هو اللي يسوي
زول ٍ خلق من نور وبخدته نور = نور من الخالق ماهو نور ضوي
أدعج غنج خده به الملح منثور = تقول بدرٍ بان بفتوق نوي
وعيون تذبح بالهوى كل منعور = سود ومضاليلٍ على القلب سوي
نيشانهن رمانت القلب ياسرور = وحرابهن من دم قلبي تروي
هو مسرفٍ فيه وانا فيه مجبور = حبه ملا قلبي وجوفي وجوي
من زود حبه كن كل البني عور = لا غاب عني قمت ادوج وأهوي
أبو جديل اشقر على المتن منشور = يا هني من بيديه فيه أمتلوي
أنكان شدوا يم وسمية الثور = واحسرتي لا قالوا البيت طوي
وان مت من مركوز الأنهاد معذور = اللي عليه هالزمان امتكوي
ولوهو عطاني صاحبي كبر الأظفور = قلت الدوا منك ، وعلى الله بروّي[/align]

دمت ودام ابداعك

صح لسانك اخوي ولسان شاعرها

الف شكر

ماقصرت

الف الف يعطيك العافيه على النقل المميز

[align=center]

اقتباس:

---

سبحان من سوى الأوادم من الحور = أنا شهد ان الله هو اللي يسوي
زول ٍ خلق من نور وبخدته نور = نور من الخالق ماهو نور ضوي
أدعج غنج خده به الملح منثور = تقول بدرٍ بان بفتوق نوي

---

دكتاتور زمانك

يعطيك العافيه ,,,

على هالاختيار الرااقي جدااا ,, ويدل على ذوقك

دووك ورده:rose:[/align]