من القاب الحمادين (ذعرة الملاّ) ومواقف مشرفه

[align=center]



من القاب الحمادين المشهوره اضافه الى لقب (الدويله)

لقـب (ذعرة المـلاّ) ومعنى ذعرة المـلاّ فزعت الناس كلها

وهذا كنايه انهم اهل فزعه ومن المواقف الجميله مارواه الفارس

المعروف/لافي بن معلث الديحاني ويقول انه كان يرعى بابله في الصمان

ومـعه ثـلاثـه من جماعته وهم في وقت الربيع وبيوت الحمادين بـ جانبه

وفجـاه اخـذت ابل احد اقارب ابن معلث واللي اخذوها (العجمان)

وصـاح الراعـي ووصل الخـبر ابن معلث وكـان عنده فرسين

(فلوه وامها) فاعطى ابن عمه الصغيره وركب امـهـا ثم اغار جهت

الابل والعجمان وكان صاحـب صووت قووي ويريد ان ينهم الحمادين

فـ صاح باعلى صوته (الحمادين يا ذعرة المـلاّ )ووصل لافي للعجمـان

ورمى بـ بندقـه وذبح منهم اثنين واقفى العجمان بالابل

ويقول لافي: واذا بـ خيول الحمادين واصلتني وهم يلتفون ورى

العجمان ويرمون ويصيبون واحد ويذبحون ثنتين من الابل

ولما راى العجمان انه ضيق عليهم وانهم لايستطيعون الفرار رفعوا

ايديهم يطلبون المنع من الحمادين فاعطوهم الحمادين المنع

ومنعوهم واخذوهم وردوا للديحاني ابـله ثم اخذ الحمادين ركايب

العجمان وبنادقهم ثم خلوهم يروحوون وهذه طريقه المنع عند

الباديه

وقد عرف الحمادين بهذا اللقب وكان هذا اللقب يطلقه الشخص او القبيله

التي تطلب الفزعه من الحمادين

وحدث ذالك في مواقف كثيره الى وقت قريب

حيث ذكر لي انـه نزل احد الهذلان من الصعران في وسط وادي وبجانبه

الحمادين في مرتفع وحذروه من المنزل

وفجاه وهم في ليل ضربهم السيل وكـان الهذلي بـ عائلته وحلاله

وبعد ما احس انه في خطر ورقى عليه السيل صاح

الحمادين (ياذعرة الملاّ) ففزع له الحمادين وانقذوه مع عائلته

وحلاله

وقد اوردتها للاستدلال على انتشار اللقب




والسلام ختام[/align]

[align=center]الراوي


لك كل احترام وتقدير مني


واقفوا احترام وتقدير الي شخصك الراقي:rose::rose::rose:


اختك ريوف[/align]

[align=center]
لاهنتي الاخت ريوووف


عزالله انك من الخيل الاصيله


وابشري بالسـعـد


اخوك الراووي [/align]

اقتباس:

---

حيث ذكر لي انـه نزل احد الهذلان من الصعران في وسط وادي وبجانبه

الحمادين في مرتفع وحذروه من المنزل

وفجاه وهم في ليل ضربهم السيل وكـان الهذلي بـ عائلته وحلاله

وبعد ما احس انه في خطر ورقى عليه السيل صاح

الحمادين (ياذعرة الملاّ) ففزع له الحمادين وانقذوه مع عائلته

وحلاله

---

يسعد ربي اوقاتكم بكل خير وعافيه
ونعم والف نعم بالحمادين حاضر وغايب .


يعطيك العافيه اخي الراوي على هالنقل ولكن يا ليت تذكر لنا مصادرك بخصوص هالهذلي اللي ما لقى ينزل الا في الشعيب ، من هو الهذلي ما ذكر لك الراوي اسمه .


اخوك / سالم بن عليثه

اخي الهذلي للتوضيح فقط هذيلي من مطير وليس هذلي ارجوا اني افدتك

ههههههههههههههههههه سالم والله انك صادق هو ضاقت عليه مالقى الا الشعيب

ارجو ذكر المصدر يالراواي

ومن هو هذا الهذيلي ولا الهذلي المزعوم ؟؟؟؟

قص لصق مايصلح نبي مصدر

ولاتفهم غلط يالراوي بس عطنا مصدرك لاتخلي بن عليثه يشره علينا


تقبل مروري

يا الحمادين

الله يسعد مساكم
ونعم وستين نعم بكم ما هي والله مجاملة في منتداكم الا والله هذا العلم الصحيح .

ولكن يوسفني جدا التقليل من الرجال ومحاولة التلميع على حساب رجال لهم ثقل في تاريخ الصعران مثل الهذلان والحمادين ما يبون تلميع فعلهم بين العمى يشوفه ولا ينكره الا كذاب .

ارفعوا تاريخكم عن مهايطة بعض الاقلام والتي تكتب بمعرفات وهميه وخاصة اللي استحى من ذكر اسمه خوف ان الرجال يفلجونه وترى العرب على حقهم معيين .
يا رياجيل شرهتنا عليكم بحجم فعوكم فيا ليتكم تمسكون قلم راويكم لا يجوب علوم الا واثق منها .
وانا اطالب ادارة المنتدى بالاعتذار وحذف الموضوع او يجيب الراوي على تساؤلاتنا ويناقشنا على وضح النقا .
ترانا كلنا عيال قريه وكلن عارف اوخيه .

شوفوا ردي الاول ولم يعقب عليه يعني لو فيها شمس بانت من امس .

سالم بن عبدالله بن عليثه

ارق التحايا لكم ........................................

يابن عليثه يالجار العزيز ويالبناخي وسعععععععععععععععععععععععععععععععععععععع صدرك
ترانا كلنا عيال قريه وكلن عارف اوخيه .ولم يحصل خطا من شان نعتذر لك فالراوي لم يسب الهذلي ولم يقلل من شانه فما اورده عباره عن فزعه موجوده عند جميع القبائل وارجو ان تعيد قراءة الموضوع وتوضح سبب احتجاجك وارجو ان ترتقي بطرحك بما يناسب اخلاقك الفاضله ولك تحياتي

اخوي سالم عبدالله بن عليثه

ألاو- الهذلان أبناء عمنا ومنا وفينا واللي يلحقهم يلحقنا وهذا مافيه شك عندنا وعندهم

ثانيا - حقك على الراس والعين وانا اخوك لون الموضوع فيه مايسيء للهذلان ماسمحنا فيه ..

كل مافيه ان الراوي استشهد على التسيمه بموقف حصل مع رجل من الهذلان نخاهم بهذا الاسم

وانا بكل صراحه ماشوف في هذا مايعيب او اينتقص من حقهم وإلا كان حذفته بوقته

ولكن لك علي اتصل بالرواي واخليه يرد عليك حسب طلبك

واذا لم يرد حذفت الموضوع ..


لك تقديري


..

الاخ ابن عليثه مساك الله بالخير اولا انا من محبين الهذلان من الصعران ولا فيهم الا طلق اوجيههم والنزول في الوادي ليس عيبا واللي يروي هذا الشيء هو ابن الشخص الذي حدث له هذا الشيء ويرويها من باب الثناء على الحمادين وقدرواها لي شخص من اللذين سمعوها منه في احد مجالس الحمادين واسمحلي من ذكر اسمه واسأل شايبك ويعلمك

اقتباس:

---

يابن عليثه يالجار العزيز ويالبناخي وسعععععععععععععععععععععععععععععععععععععع صدرك
ترانا كلنا عيال قريه وكلن عارف اوخيه .ولم يحصل خطا من شان نعتذر لك فالراوي لم يسب الهذلي ولم يقلل من شانه فما اورده عباره عن فزعه موجوده عند جميع القبائل وارجو ان تعيد قراءة الموضوع وتوضح سبب احتجاجك وارجو ان ترتقي بطرحك بما يناسب اخلاقك الفاضله ولك تحياتي

---

صادق الود
عسى عمرك طويل ابشرك صدري اوسع من الدهنا وفعلا كلنا عيال قريه وكلن عارف اخويه .
واذا طرحي فيه غلط او عبارات لا تليق فانا اعتذر لك وللقارىء الكريم وامام الجميع وابشر بالحق وما يلحق .
.
.

ا

اقتباس:

---

خوي سالم عبدالله بن عليثه

ألاو- الهذلان أبناء عمنا ومنا وفينا واللي يلحقهم يلحقنا وهذا مافيه شك عندنا وعندهم

ثانيا - حقك على الراس والعين وانا اخوك لون الموضوع فيه مايسيء للهذلان ماسمحنا فيه ..

كل مافيه ان الراوي استشهد على التسيمه بموقف حصل مع رجل من الهذلان نخاهم بهذا الاسم

وانا بكل صراحه ماشوف في هذا مايعيب او اينتقص من حقهم وإلا كان حذفته بوقته

ولكن لك علي اتصل بالرواي واخليه يرد عليك حسب طلبك

واذا لم يرد حذفت الموضوع ..


لك تقديري


..

---

ابو نادر يا عسى عمرك طويل

ما لاحقنا شك فيكم طال عمرك
بني عم وخوال وبيننا وبينكم نسب من قديم .
ويحق للفتى يفتخر في عمه وخاله .
شكرا لاسلوبك واخلاقك العاليه .
.
.

اقتباس:

---

الاخ ابن عليثه مساك الله بالخير اولا انا من محبين الهذلان من الصعران ولا فيهم الا طلق اوجيههم والنزول في الوادي ليس عيبا واللي يروي هذا الشيء هو ابن الشخص الذي حدث له هذا الشيء ويرويها من باب الثناء على الحمادين وقدرواها لي شخص من اللذين سمعوها منه في احد مجالس الحمادين واسمحلي من ذكر اسمه واسأل شايبك ويعلمك

---

الراوي طال عمرك الله يمسيك بالخير والعافيه

ما عليك زود طال عمرك بكل ما ذكرت .

والحمادين معروفة فزعتهم من قديم ما هوب شي جديد والتاريخ يشهدهم بذلك .

القصد طال عمرك المنزال وسط الشعيب والعرب في البطين اكيد له اسباب اجهلها وحبيت اعرفها منك

وللاسف سألت مع ابوي اكثر شيبان الجماعه ما عندهم علم بهالموضوع .

ويا ليت تعلمني من هالشخص على الخاص .

واتمنى لو انك تكتب باسمك الصريح علشان ناصل لك وناخذ من معلوماتك .

لكم مني ارق التحايا .....................
.
.