بسم الله الرحمن الرحيم
هذي قصه من التراث القديم تتكلم عن الفراسه الي كان يتميز فيها ابائنا واجدادنا.
تحكي القصه ان في احد الحكماء كان عنده ثلاث ابناء كلهم مسميهم محمد ولما جاته المنيه وحس بالموت وصى امهم وقال ترا محمد يورث ومحمد يورث ومحمدما يورث ترى مو ولدي ولد حرام.
وصلت الوصيه الام لعيالها شنو قال ابوهم وختلفوو الاخوان منو فينا ولد الحرام طبعا الاخوان كانو يتميزون بالحكمه والفراسه مثل ابوهم اتفقوو انهم يحكمون احد الحكماء ونهم ايسافرون لقاضي مشهور بالحكمه عشان يطلع منو ولد الحرام فيهم.
في الطريق وهم رايحين للقاضي صادفهم واحد يسأل عن ناقه ضايعه له فسألهم شفتولي ناقه ضايعه مني ونتم مسافرين.
قال الاول هي عوراا قال ايه وين شفتهاا قال والله ما شفتهاا.
قال الثاني هي عرجا قا ايه وين شفتهاا قال والله ما شفتهاا.
قال الثالث هي مو ذنبهاا مقطوع قال الا هي قال انت شفتهاا رد عيله لا والله ما شفتهاا.
احتار صاحب الناقه منهم واتهمهم انهم سارقين الناقه وما يبون يعلمون وينها مو جوده اطلبو منه الاخوان الثلاثه انه يروح معاهم للقاضي ويحكم انكان هم سارقين الناقه ولا لا
وصلو الأخوان الثلاثه للقاضي وطرحوو عليه قضية الناقه فسأل الاخوان اشلوون عرفتو اوصاف ناقة الرجال وانتو اتحلفون انكم ما شفتوها قال الاول انا قلت عورا لاني ونا ما شي بالطريق لقيت ان بعض القشع (الشجيرات الصغيره) ماكوله من طرف واحد فستنتجت ان الناقه الي اكلت النبته هذي عوراا .
قال الثاني انا قلت عرجاا عشان وانا بالطريق لاحظت اثار الناقه ان فيه اثر مو واضحه مثل باقي الرجول فعرفت انها عرجا .
قال الثالث انا قلت ما لها ذنب لاني شف ان خروج الناقه كان يطيح بين ارجولهاا اقريب فعرفت انها من غير ذنب .
فحكم القاضي وقال للرجل انك مالك ناقه عند هالأخوان وانهم بريئين من السرقه.
اسغرب القاضي من هالشباب وما يتميزون فيه من فراسه كبيره على اعمارهم فطلب انه يضيفهم وبعدين يسمع مشكلتهم سوا غداهم وقلطهم على الغدا وراح يجيب ماي وهو راجع جنب بيت الشعر سمعهم يتكلمون .
قال الأول تدرون ان القاضي مقلطنا على لحم كلب !!!!
قال الثني انتم ما تدرون ان الي مسويه الغداا مو طاهره!!!!
قال الثالث انتم ما تدرون ان القاضي ولد حرام!!!!!!!!!!!!!!!!!!!!!!!!
اندهش القاضي من الكلام الي اسمعه فراح يتاكد منه فسأل زوجته شنو الخروف الي ذبحتيه لنا فقالت هذا الخروف الي ما تت امه عنه ورضعناه من حليب الكلبه .
فسألها مره ثانيه منو الي طبخ الغدا قالت انا قال انت عليج شي اليوم قالت ايه جاني العذر قبل الغداا.
فستغرب القاضي صدقوو بثنتين فراح مسرع لمه وهددها بالذبح لو ما قالتله الصدق انكان ابن حلال ولا ابن حرام قالتله امه وهي تبكي ان ابوه عقيم لاكن بمره من المرات ابوه سافر والراعي كان مو جود بالبيت فغتصبهاا وهرب من الديره كلهاا وما علمت ابوك خايفه من الموت.
رجع القاضي للأخوان الثلاثه وقال انتو شتبون جاين اهنيه لانه استغر كل هالفراسه والحكمه عندهم ليش يلجؤون لحكمتي وفراستي .
قالوله اللأخوان قصتهم ويبون يعرفون ابن الحرام فسألهم قال منو الي عرف ان اللحم لحم كلب قال اللأول انا قال منو الي قال ان الي طبخت الغدا مو طاهره قال الثاني انا قال ومنو قال اني ولد حرام رد الثالث قال انا قال
مـــــــــــــــــــــايعرف ولد الحرام الا ولد الحــــــــــــــــــــــــــــــــــــــــــــــر ام.
فاصبحت حكمه ومقوله من التراث .
اتمنى اني ما طولت عليكم وهذي قصص الاولين .
اخوكم : بن مليح
رد مع اقتباس
