[frame="4 80"][align=center]أمس العصر وسط سوق حجاب ياناشي ... بالـعـاصمة فـالـمكان ألـي تعـرفونه
مريــت أبا أخــذ لــزومن لــي وأنا ماشي ... عرضني الله بوسط السوق مزيونـه
مزيونتـن يالصــخيني تدهـش إدهاشـي ... جتني تخطى وممشاها على هونه
الجـسم رزه وهــرجن ينعـش إنعاشـي ... والخافي أعظم وسهم الموت بعيونه
سودن سهمهن تمركز داخل الجاشي ... من قـــو تاثيـرهـنـه طـحت من دونــه
مامداني أصد عنها أسرع من أرماشي ... نظـره بنظـره سوات المـوت مسنـونه
عنقن من يشــوفها ماظنتــي عاشـي ... والله لـــيبـطـي عطبـــها ما يـداوونــه
وأنا خفوقــي على الـمزيون شواشي ... أدنـــات شــين يحـزه ترحــل إجنــونــه
لو شافها علي وأحمد جاهم إخراشي ... كلــن مع الــخط روح يطـرق إلـــحونـه
فـــــــرايدن كنهنـــه ضـــرب رشاشي ... في وسطــها كل ماضــي يستعيدونه
بعض المواقف تهيل وتربش إرباشي ... تخــــلف توازنــك لو إخـطــاك مـــوزونه
سوقن عقوبه وشق الجيب ياناشي ... نصــــيحه مـــن الشــطيطي لا تمرونه
الشاعر / سفر بن مشبب الشطيطي المطيري [/align][/frame]
رد مع اقتباس
