[frame="2 80"][align=center]
يامسافر لدارن له القلب
ينقاد .
ينقاد دون شعور محدن
فطن لي .
سلم على مسفر وسلم على
بجاد .
واوصيك سلم لي على دار
خلي .
دارن سكن في وسطها غض
الأنهاد .
أبو جديلن وابو رمشن
مظلي .
جمر الهوى لازال فالقلب
وقاد .
يضوي سناه اليا وصوفه
طرى لي .
العيد عيدين وهو وتر
الأعياد .
ولافيه مثله بالدلال
متعلي .
طاريه يغنيني عن الشرب
والزاد .
لامن سمعته قمت ارحب
واهلي .
القلب متعلق بها يابن
الاجواد .
والعقل من زين الوصايف
مولي .
وحبه ترى وسط المعاليق
يزداد .
لاتحسب ان الحب لعب
وتسلي .
أصدر من الزين واجيه
وراد .
وآخذ معه سجه وانا في
محلي .
لكن على ماقيل سرداد
مرداد .
والوقت مدري ويش هو
راصدلي .
باذن الولي ليِِِّه مع الزين
ميعاد .
واشرح لمظنوني عن اللي
حصلي .
ويالله تكفيها نظر كل
حساد .
يالله ياللي لك نصوم
ونصلي .
وعند النهايه مالي في نجد
مقعاد .
ودي اني اميّل على دارخلي .
الشـــــــــاعر / وليد بن معيض المشرافي[/align][/frame]
رد مع اقتباس
