يسرني أن أضح هذه القصيده بين أيديكم
[poem=font="Simplified Arabic,5,black,bold,normal" bkcolor="transparent" bkimage="backgrounds/19.gif" border="double,6,gray" type=1 line=0 align=center use=ex num="0,black"]
اللَّه..يادنيـا الفـرحْ والمقالـيـطْ=جوٍّ..ربيعي والهوى فيـه صافـي
الناس ربْـع..ولا ترَدْ..المصافيـط=والكل خِشرهْ فـي البلد..والفيافـي
دنيـا ركايزهـا محبَّـهْ وتربـيـط=ما تعتـرفْ بالغطرسهْ..والسفافـي
قـولٍ وكاد..ولادخلْ..بـه مغاليـط=لو كان ضدي..مـا تهربْـت نافـي
وهذا الزمان أيورِّط الرجل توريـط=!بالذات لامن صار شهـمٍ اسنافـي
أمّا تـورط بيـن فقـرهْ وتقسيـط=والاّميـةْ حِمْلٍ..عليهـا اضـافـي
كم من قويْ قد هبَّط النفس تهبيـط=يوم اخفقت نفسهْ..ولاعـاد شافـي
ماينفع الضميـان جغْمهْ..وتنْقيـط=!لا صار ما به جَمْ عـذبٍ وكافـي
آخطط بدنياي يـا شيـخ تخطيـط=تخطيـط وافي..والنتايـج اخلافـي
واكـرر الخطـهْ وآزوَّد..بتنشيـط=فأما نجاح أو فكَّـةٍ مـن حسافـي
عيَّت تضبَّط لي على الكيف تضبيط=ليِّـام تكـوي والليالي..جـوافـي
اصارعْ ابشدَّهْ واصـارعْ ابتبسيـط=ولاني ابمستسلم ولو كنـت حافـي
ماني بمن يقنّط على النفْس..تقنيط=والشمس بيتـي والمعـزهْ الحافـي
ماني بمن ايحنَّط ..وهو حي تحنيط=يحسبْ مع الموتى وهو حي غافـي
غيري أيفحِّط في خطايـاه تفحيـط=صيفهْ مرابعْ..والشتاء صار دافـي
وهناك مـن فـرَّط بدنْيـاه تفريـط=واصبح عليه من الذاواري سوافـي
خاطبْت شيخ ما تخفى..ورى الحيط=بيته ملاذ الضيف وايَّـا الضعافـي
شيخٍ...ولد شيخٍ أيفـك المرابيـط=في الضيق يصمدْ والمواجيب وافي
شيخةْ اوراثه ما هو ابشيخ توسيط=يوم الوساطهْ شيَّخت جيـل هافـي
والطيِّب ما ينحاط ..يا شيخ..تحويط=وبل المطر ما ينحصـي بالجزافـي
قرْب الفَرَج يا شيخ ويزول تبنيـط=صبرْت لي عشر..وعشر اعجافـي
وبتعود لي دنيا الفـرح والمقاليـط=وبآخـذ ربيعـي بوّله..بالفيـافـي
ومني سلام بخط يمنـاي تخطيـط=الْ...حُرٍّ ولدْ حُرٍّ حصين المرافـي.
الشاعر/ عبيـْد بن عوض القحطاني[/poem]
رد مع اقتباس
مشاركة: شيخةْ اوراثه ما هو ابشيخ توسيط//يوم الوساطهْ شيَّخت جيل هافـي
