[align=center]قــصــيـــده لــشــاعـــر
مـحـمـد بــن دلــه الــصــهــيـبــي[/align]
[poem=font="simplified Arabic,6,darkblue,bold,normal" Bkcolor="transparent" Bkimage="backgrounds/43.gif" Border="groove,4,deeppink" Type=0 Line=0 Align=center Use=ex Num="0,black"]
ابتكلـم فــي جواب(ن)طـرالـي =هجس(ن)وهاجوس بعرف(ن) وتفكير
سمعـت هرج(ن)بالمجالـس يقالـي =مخط(ن) من الصحه مع الكذب تزوير
الهـرج واجـد والمزاهـب خوالـي =كود السوالف بالمجالـس تصاويـر
يا مالـك الديـره بهـرج الهبالـي =خلك على حدك على غيـر تقصيـر
وش الدليـل الـي تقولـه أقبـالـي =كم عد وبـلاد(ن) ملكتـوه يامطيـر
حنا ليـا ركـب الرشـا فالمحالـي =الخيل حزب والسرايا علـى السيـر
نجزاك نمر(ن)عجـه لـك ظلالـي =يسهج محلـك والدبـش والمظاهيـر
اديرنـا تعـرف وفيـهـا نـوالـي= وقصيرنا هدف السيـوف البواتيـر
من الحجاز ونجـد ذيـك السهالـي =والمستوي وطويق ذيـك الشناظيـر
ولنـا مجـزل والبطيـن متـوالـي =ولنـا النفـود ودبدبتهـا مصافيـر
ومن التريبي ليـن حـدود الشمالـي =غرب من القرعـا شمـال محاديـر
يوم الحروب ويصبح القفـر خالـي =نزالته حنـا علـى الشـر والخيـر
مشفـن علـى الصمـان ياهملالـي =دونـه مكسـرة القنـا والطوابـيـر
جمال التخوت الـي تشيـل الثقالـي =ما عندهـم خشر(ن)لعمـار وعميـر
ليا جـا لحمـران النواظـر مجالـي =أجموعهم تزمي كمـا يزمـي النيـر
وأن كربوا عوص النضـا بالحبالـي =هوماتهم تاصـل لحـوران والشيـر
مزنن تزبـر مـن حقـوق الخيالـي =أول مطرها شـال روس المناعيـر
نعم(ن)بلد عبـاد فـي كـل حالـي =مصخرت حمر الطوابيـر تصخيـر
دون الوطن يرسون مثـل الجبالـي =ومن زارهم يقصر عن الزود تحدير
أفعالهـم تـهـرج قديم(ن)وحـالـي=ويكتبلهم وسط الصحايـف مناشيـر
وبريـه سلتنـا نحـاز الرجـالـي= لهم على نزل المعـادي معاصيـر=
درعلنـا يـذخـر قديم(ن)وحـالـي =وعن دربنا ماحـط عـذال ومشيـر
واصل لهم ماقـف ولابـه أشكالـي =وولاد علـي لهـم ماقـف الـزيـر
كـم عثرتـن صملانهـا والمدالـي =يبس وضمها عقبهم تصفـي البيـر
وحنا سندهم عـن بـرود الوصالـي =لاصار في بعض المهمات تقصيـر
ون قال وين مطير عقـب المحالـي =محد(ن)سمع بخبارهـم يـا معاييـر
قالـوا علـى الصمـان أول وتالـي=وتشـاوروا مـا بينهـم بالمحاديـر
عساسهم جاهم مـن الصلـب مالـي =وسم(ن)بكور وزم عشبـه دواويـر
تقـودوا سـرد الرمـك برتحـالـي =والي توخر شال تصفيـرت الطيـر
في شـف شقحـن قلدوهـا الحبالـي= ما صفرت في مضنك العتش وهزير
مـا رددوا هـل الغنـم والصخالـي =في ضفهم تكبـر دفـوف المعاشيـر
وليا غشا الصمـان مثـل الزوالـي=غيـر الزبيـدي شابك(ن)بالنواويـر
واحلـوا مربـاع ذيـك التـلالـي =يزين ريـح فياضهـا بالمخاضيـر
تلقـا فيـه لعلـوى نـزل وحلالـي =وعيطن تغـلا دون شقح(ن)مغاتيـر
يامـا حدينـا عندهـا مـن موالـي=وياما كسرنا عندهـا مـن طوابيـر
وياما حذينـا لرصـاص أشتعالـي=وياما حديناهـم وراحـوا طماريـر
تشهـد رجوم(ن)بالروابـي عوالـي=نطل الجنايـز عندهـا والمخاسيـر
وتشهـد عدود(ن)وسمهـن الطوالـي= تسـتـارد الأجـنــاب~------
حنا عليه أحـرص مـن أم العيالـي= وعلى حـدوده كـن حنـا نواطيـر
ونصاح صياح الدبش مـن جفالـي= وقامت تعـاود خلجهـا للمصاغيـر
وعـلا الحنايـا طوحـن الشيـالـي= وتجاذب(ن)الصوت بيض الغناديـر
يجونـك الـي مطلقيـن الحبـالـي= سرد السبايـا لاحقـات(ن) دعاثيـر
علوى مرويـت الغلـب والسلالـي= يرهبك شيف دروعهـم والمشاهيـر
غدالهـن عنـد الطريـح أجتوالـي= ذولي مناحيـر(ن) وذولـي مدابيـر
وكم شيخ قوم(ن)طاح والـدم سالـي =وراجن عليه وعنـه ربعـه مدابيـر
ودم ينثـر مثـل صـب العـزالـي= من ضرب شلف وصلوها المساميـر
منهم سروج الخيل راحـت خوالـي= من ضرب سمحين الوجيه المسافيـر
علوى هـل الـردات عنـد التوالـي= ليا راغ هـوش مجربيـن المناعيـر
يـكـم ردت خيلـهـم بحتمـالـي= أرقـاب خلجـن تلتفـت للمقاهيـر
والنـاس فيهـا حقهـا بالكمـالـي= وكل أجـودي لـه كرامـه وتقديـر
وصلات ربي عـد منـور هلالـي= على نبيـن يشتفـع عـن زمهريـر[/poem]
[align=right]مــنـــقــوووووووول[/align]
[align=right]ااااالـــركــــيـــبـــــى[/align]
رد مع اقتباس
