الــــــــــــــــــنـــــــــــــــــســـــــــــ ــــــــا ء

[ســـيـــ الحميداني ـــوف]

[align=center]

النساء نصف الحياة إلا النساء كل الحياة
آه يا اسرار الخوات .. آه يا احلام البنات ..

آه يا الطيش الطفولي آه يا الحزن الشفيف ..
آه يالعشق العفيف .. آه يالجنس اللطيف
علمن حتى المرايا والشبابيك اللغات ..
والرسايل والدواة .. صارت اعذب مفردات ..

كم بكن وانكف مبصر .. وضحكن وابصر كفيف
وارمشن واهتز سف .. وهمسن وامتد ريف

كم غدن لأخونهن عزوة صناديد عصاة ..
بين صفق المرهفات .. وبين ضبح العاديات
طاحت اشناب وكراسي و وانطلق دمع ونزيف ..
واعتلى الخف المنيف .. والمقابر تستضيف

النساء ضلع عوج لولاه كل العدل مات ..
ما لهن عن فوات .. ولا لنا عنهن غناة
تبرق الدنيا على يديهن.. ويغرينا القنيف ..
نطمع بتكريم ضيف .. ونوقف بيوم عصيف

النساء موج على بحره منايا و امنيات ..
والنساء مركب نجاة .. نسأل الله الثبات

هن لباس وهن فراش .. وهن معاش وهن رغيف
ان فتك جوع مخيف و ان حد الرجال حيف

النساء حتى شراب الجنة العذب الفرات ..
تحت ماطي الأمهات .. يالهن من مكرمات

كل ماعود من الكد اقبل ابن آدم ضعيف ..
له ورى البيبان طيف .. مثل نسناس المصيف


في بلادي يحسبون ان النساء متخلفات ..
في المساء مستوطنات .. وفي الضحى مستعمرات

مادروا عن هـ البيارق .. شمخ العرض النظيف ..
فزعة الدين الحنيف .. شجرة العز الكثيف
غادة وسجادة وكفين وحجاب وصلاة ..
من صبايا محصنات .. من عروق طيبات
اطهر من الفين منظر كلها فتنه وزيف ..
في رجاء الصبح الكسيف .. واجرة الليل السخيف

كم مكان يعرض اعراض آنسات وسيدات
والهوى له بايعات .. والغلاف وله فتاة

والحسن تشبير عنق وطول وخصر نحيف ..
وش ماينشاف شيف .. لأجل الأول والوصيف
شهب تشابه رسوم الشاشة المتحركات ..
ما لزمتهن طراة .. ولا لهن ملح وحلاة

لا ربيع فيه خير ولا به إلا بروق صيف ..
والشتاء ما به رفيف .. يحي اوراق الخريف

لي مناحل لي خلايا كلها سكر نبات
لي حصون ناعمات .. لي غصون شامخات

لي قوارير ملاها العقل والدم الخفيف ..
خلفها العمر الكليف .. ودونها الحد الرهيف

يا زمن وش جاب حلوى غلفوها بالعباة ..
جنب حلوى للمشاة .. وللغبار وللشتات

شف بدل ماهي لواحد صارت لجمع لفيف كيف ؟
أنا اخبرك كيف شوفها فوق الرصيف


الشاعر ناصر القحطاني[/align]

[شقران]

[align=center]علمن حتى المرايا والشبابيك اللغات ..
والرسايل والدواة .. صارت اعذب مفردات ..

الغزل العفيف



هن لباس وهن فراش .. وهن معاش وهن رغيف
ان فتك جوع مخيف و ان حد الرجال حيف


وراء كل رجل عظيم امرأه


كم مكان يعرض اعراض آنسات وسيدات
والهوى له بايعات .. والغلاف وله فتاة


الوافيه في بنات اليوم معدومه.... لوتبتسملك ترى القدر متشربها







يا زمن وش جاب حلوى غلفوها بالعباة ..
جنب حلوى للمشاة .. وللغبار وللشتات


الدلع المحتشم


من جد سيوف ذويقه

وياليت الي يعلق على القصيده

يعطينا وجهة نظره


سيوف لكي جل احترامي[/align]

[ريوف]

ابدعتي سيدتي ولكي حبي

[ســـيـــ الحميداني ـــوف]

[align=center]علمن حتى المرايا والشبابيك اللغات ..
والرسايل والدواة .. صارت اعذب مفردات ..

الغزل العفيف



هن لباس وهن فراش .. وهن معاش وهن رغيف
ان فتك جوع مخيف و ان حد الرجال حيف


وراء كل رجل عظيم امرأه


كم مكان يعرض اعراض آنسات وسيدات
والهوى له بايعات .. والغلاف وله فتاة


الوافيه في بنات اليوم معدومه.... لوتبتسملك ترى القدر متشربها







يا زمن وش جاب حلوى غلفوها بالعباة ..
جنب حلوى للمشاة .. وللغبار وللشتات


الدلع المحتشم


من جد سيوف ذويقه

وياليت الي يعلق على القصيده

يعطينا وجهة نظره


سيوف لكي جل احترامي[/align]

اخوى شقران

اول شغله اسمحلى ارحب فيك ترحيب يليق بحضور مروض الحروف بمتصفحى (البالى)

وترحيب اخر لحجزك اول مقعد للمتفرجين بين اسطرى

الحين نييى للموضوع الحمدلله كنت داشه متوقعه تعليق على كل شطر:shade:

بس اكتفيت بثلاث تعليقات(شنو السبب)؟؟؟

اسمحلى اعلق للحين فيه نااس واايد اوفيا يااخوى لاتعمم على الكل

والابتسامة صدقه بويه المسلم

شنوسيدة تفسرونها بشكل موشئ:omg:

خلاص ممنوع ياحريم ويابنات تبتسمون من اليوم:zip:

استاذى الفاضل هل اكتفى بتعليقك هاهنا عن تعليق الاتجاة المعاكس؟

اماانتظر التعليق؟؟

مشكور الذوق ردك هنى اخوى

واسعدنى حضورك تلبية الدعوة وكونك الاول بالرد

لك تقديرى

[ســـيـــ الحميداني ـــوف]

ريووفه هلافيج وغلا

اللابداع حضورج الدائم لــ مئازرة حروفى

لاتحرمينى من هالطله

لانها حيل تسعدنى

[دكتاتور زماني]

إختيار رائع

تسلم إيداك

تقبلي مروري

[ااالــركـــيــبـــي]

اخـــتــى ســـيـــوف قــمــه فـــى الابــداع الـــراقـــى



وكـــل احـــتــرامـــى لـــكـــى




وتـقــبــلــى مــــرورى




اااااالـــركــــيــبــــى

[ســـيـــ الحميداني ـــوف]

دكتاتور زماني

اسعدنى مرورك

بس ماعلقت؟؟؟

[ســـيـــ الحميداني ـــوف]

اخوى الركيبي

اسعدنى مرورك واطرائك

بس هم ماعلقت

يعنى كلكم اكتفيتوا بتعليق شقران:)

[ابونادر]

آه يا الطيش الطفولي آه يا الحزن الشفيف ..
آه يالعشق العفيف .. آه يالجنس اللطيف
علمن حتى المرايا والشبابيك اللغات ..
والرسايل والدواة .. صارت اعذب مفردات ..

[align=center][align=center]صح لسان شاعر الاندلس وجبل طارق

قصيدة من اروع القصايد المغناة

تسلم يمينك سيوف على حسن الاخيار



تحيااااااااتي


.ز[/align][/align]

[ســـيـــ الحميداني ـــوف]

حياك الله اخوى ابو نادر

من صج هالقصيدة انتشرت بصورة مو طبيعيه

حتى ترجموها للغات الاوربيا وحصلت اعجاب وااايد

مشكور ابو نادر على هالمرور

اسعدنى حضورك

[乂كـ‘,ـ‘,ـاكـ‘,ـ‘,ـا乂]

دوووم الأبداعـ انشاء الله

يسلمووووو ايديكـ

الف شكر
ــــــــــــــــــــــــــــــــــــــــــــــــــ ـــــــــــــــــــــــــــ
كــــــــــاكـــــــــا

[شقران]

كم مكان يعرض اعراض آنسات وسيدات
والهوى له بايعات .. والغلاف وله فتاة


سويفه اول شي هذا مو رايي انا مجرد مفسر

هو يتكلم عن نوعيه من النساء موجودات(بائعات هوى)

واستشهدت في بيت قديم على احد المواقف


وبعدين تقولين الأبتسامه صدقه

انا اكثر واحد يمزح في المنتدى واسئلي ريوف وابونادر

الزبده ان المواضيع المهمه زي موضوعج لازم نرد عليه بكل جديه


اما سالفت (ابدعتي.... مشكور..تقبلي مروري)
هذي ماتمشي عندي

لأن البعض يدش عشان كاتب الموضوع

مو عشان الموضوع


وتأكدي ان الموضوع الي مايعجبني او عادي ..اعلق عليه مجامله بسيطه


وبالنسبه لموضوع الأتجاه المعاكس (ياشاعرتنا )


لازم اكون فاضي لتج انتي بس عشان ارد عليج


لكي جل احترامي يالبطه

[عــز الدياحيــن]

صح لسان شاعرها وتســــــــــلم ايد ناقلتها ,,,

يعطيكـ العافيه ع الطرح ,,

اختيار متميز وذوق راقي ,,,


لاهنتـــــــــــــــي ,,,

[المستشار]

[align=center]النساء حتى شراب الجنة العذب الفرات ..
تحت ماطي الأمهات .. يالهن من مكرمات


هالبيت هذا اعجبني بالحيل لانه لان تصويره دقيق

صور على ان الجنه تحت اقدام الامهات بطريقه عجيبه

ان النساء شربن من ماء الجنه لانها تحت اقدام الامهات




تسلمين سيوف على القصديه الرائعه والروع ناقلها


م ب س[/align]

[ســـيـــ الحميداني ـــوف]

كاكا

اسعدنى مرورك
واتمنى تكون اعجبتكم

[ســـيـــ الحميداني ـــوف]

:

كم مكان يعرض اعراض آنسات وسيدات
والهوى له بايعات .. والغلاف وله فتاة


سويفه اول شي هذا مو رايي انا مجرد مفسر

وانا ماقلت شئ انا اعلق على تفسيرك لااكثر(ماجنك صغرت اسمى؟؟)(اضافة حرف الياء باللغه العربيه يعنى تصغير للكلمة وسيوف كلمة غويه قلب وقالب وتصغيرها يكسرها:shade:الله يعينك على الفلسفه تحمل)هو يتكلم عن نوعيه من النساء موجودات(بائعات هوى)

اكيد فاهمه اناهالشئ وماقلت شئ عن هالنقطهواستشهدت في بيت قديم على احد المواقف

اى السموحه ماكنت ادرى انه استشهاد بس حسبالى من تعليقك

وبعدين تقولين الأبتسامه صدقه

اكيد صدقه واسهل صدقه يبذلها الانسان شفيها هذى بعد؟؟
انا اكثر واحد يمزح في المنتدى واسئلي ريوف وابونادر

انزين انا ماهاجمت شخصك كلش؟انا علقت عن ابتسامة الحريم
وانت ماشاءالله مرح ماقلنا شئ بس هم مايمنع انى اعلق على اللى كاتبه

الزبده ان المواضيع المهمه زي موضوعج لازم نرد عليه بكل جديه

الزبدةوالخلاص وين تستانس امنا العودة على هالسوالف:shade:
والله موضوعى له اهميه جبيرة عندى مو عشانى كاتبته بس لانه فعلا اهوحساس ومهم ويستحق وقفات طويله عليه ولولا اهميته ماكتبته

اما سالفت (ابدعتي.... مشكور..تقبلي مروري)
هذي ماتمشي عندي

ييبتها ريت والله عشان جذى امتنع عن وايد مواضيع لانها ماتعطيك اهميه للرد
لأن البعض يدش عشان كاتب الموضوع

تقدر تقول تعصب شللى يعنى؟؟
مو عشان الموضوع
هذا المطلوب فحو الموضوع وليس الكاتب
وتأكدي ان الموضوع الي مايعجبني او عادي ..اعلق عليه مجامله بسيطه

خوش فيك رجا عيل
انا كلش ماادش لانى مااعرف اياملوبالنسبه لموضوع الأتجاه المعاكس (ياشاعرتنا )

(شاعرتنا)الله يعين الشعر عزالله زهب كفنه

لازم اكون فاضي لتج انتي بس عشان ارد عليج
الله يستر من هالرد نشف ريجنا ماشفناه:sad:

لكي جل احترامي يالبطه

ماقصرة اخوى

بطة؟؟؟عيل الوز والحمام وباجى فئة الطيور وين راحت

اخوى شقران اسعدنى ردك بس بدون زعل اشك ان شقران كاتبه؟؟

اختلف الاسلوب شوى مادرى؟؟

ماتلاحظ شقلنا الشعر العام نقاش واتجاه معاكس؟؟

شرايك نبطل موضوع نفسر القصايد كلمة كلمة لايعطينا ابونادر كرت احمر:shade:

[ســـيـــ الحميداني ـــوف]

صح لسان شاعرها وتســــــــــلم ايد ناقلتها ,,,

يعطيكـ العافيه ع الطرح ,,

اختيار متميز وذوق راقي ,,,


لاهنتـــــــــــــــي ,,,

اخوى عزالدياحين

حياك الله اول شئ بمنتدى الحمادين والحمادين والدياحين اخوان حتى حروفهم وحدة:shade: اللهم الترتيب يختلف:)

ويسعدنى حضورك بمتصفحى

الله يسلمك يارب

ومن قال لاهان اخوى

الذوق مرورك على موضوعى

[ســـيـــ الحميداني ـــوف]

[align=center]النساء حتى شراب الجنة العذب الفرات ..
تحت ماطي الأمهات .. يالهن من مكرمات


هالبيت هذا اعجبني بالحيل لانه لان تصويره دقيق

صور على ان الجنه تحت اقدام الامهات بطريقه عجيبه

ان النساء شربن من ماء الجنه لانها تحت اقدام الامهات




تسلمين سيوف على القصديه الرائعه والروع ناقلها


م ب س[/align]

حياك الله اخوى محسن متصفحى

اخوى القصيدة تحمل الكثير من التشبيهات لتصويرة البليغه

وهذا اللى هد القصيدة سهله وتدش القلب ومحببه للاغلبيه

الله يسلمك ياارب

واسعدنى تواجدك


م ب س؟؟؟شفرة هذى؟؟؟