من المساجلات الرائعة بين الشعراء هذه المساجلة بين الشاعر الكبير المرحوم سحلي العواي والشاعر الكبير فلاح العراك .
وقد دارت بينهم العديد من المساجلات وهذه أحداهن
{ الصلب الحمر --
هذه القصيدة للشاعر / فلاح العراك المطيري
[poem=font="Simplified Arabic,4,darkblue,bold,normal" bkcolor="burlywood" bkimage="" border="none,4,gray" type=0 line=0 align=center use=ex num="0,black"]
يا بو سعد نهار تمشي مشينا=فوق الجموس مظولعات المواطي
حمرٍ نـقلبهن على مشتهينا=غادي لهن مع كل جو شعاطي
دجنا على الصلب الحمر ثم لقينا=منازلاً فيها حديد وقواطي
من عالماً من كل فجٍ تجينا=جونا على ريح الدسم والشياطي
حنا بأهل شط الفرات أبتلينا=الرمث راح والطق لحق الأراطي
لو أنها في كيفنا ما رضينا=حرام يصمانـا ما يهاطي
لنمشي وعجلات الفرج في أيدينا=وناخذ من الموصل جديد أحتياطي
وليا تبايعنا العمار وشرينا=اللي بقى عن ديرتة ما يخاطي
يدار ما ننسى حقوقك علينا=من أولٍ من جاك يوخذ قلاطي
واليوم يدار أسمحي وأعذرينا=حنا مجوَّدنا قوي الرباطي[/poem]
رد الشاعر سحلي العواي المطيري رحمة الله عليه
[poem=font="Simplified Arabic,4,darkblue,bold,normal" bkcolor="burlywood" bkimage="" border="none,4,gray" type=0 line=0 align=center use=ex num="0,black"]
حسبي على العراك ذكر علينا=وأنا معرف الخربطه والغلاطي
هذا شيٍ شايفه لي سنينا=لا تذكر الغافل ترايا حباطي
لو ماقرينا يامغفل درينا=عما تبي مش الخشوم بحماطي
من عقب ابو بندر قضت وأنتهينا=معاد به يومٍ تعرق الأباطي
تحمدالله لا تطيع اللعينا=اللي حصل لك شبعتٍ وأمغاطي
يا الله على درب الرسول تهدينا=ويسترعلينا لا يطير البساطي
وأن طار يا العراك رحنا وجينا=وفقدت سوق الباميه والبطاطي
وياما تبايعنا العمار وشرينا=وياما حمينا دارنا ما تهاطي
والدار مبنيه وحنا بليَّنا=والأمر كايد ومن وراء الغاط غاطي[/poem]
