[frame="7 60"][align=center]الطيب كايد....والمراجل تبي ذيـب
والعرف بيّن....واكثر الناس تخطيه
والجود "سنّده"....والخطاوي تجاريب
والصمت هيبه....والعزاوي مشاريه
والجمع قوه....والتفـرق عذاريـب
والشور رجمٍ....والمناعيـر تلفيـه
والصدق بيته....مرتفع بالمراقيـب
والكذب يهدم....مارتفع من مبانيـه
والصيت حاكم....والجماله مواجيب
واللي فعل....بنفس فعلـه تجازيـه
للطيب طيب....وجزوة الطيب بالطيب
ومنهو تردا....اخير منهـا تخليـه
من لافزع في حزة الخوف والريـب
ماينبغالـه حـزة الخيـر تـدويـه
والنفس ماتشرب جميع المشاريـب
ولاكل رجلٍ يـارد "العـدّ" يرويـه
والعبد طرقي....والليالي معازيـب
والعمر فاني....وقطعة قماش تاليه
يالله طلبتك تغفـر الذنـب وتثيـب
يالواحد..المعبود..والخلـق ترجيـه
الرازق..المنان..ياعالـم الغـيـب
الوالي..الرحمن..والكـون بيـديـه
تغفـر لعيـنٍ قوتـه بالمساكيـب
اليا انتهى دمعٍ يجـي دمـع يتليـه
الخوف والله من زمـان المطاليـب
دنيـاً تحـدن يـم شـيٍ فلاابـيـه
خوفي من الزلات خوفي من العيـب
الرب يستر...لكـن الخلـق تبديـه
وكم خافيٍ مع طول الايام مايغيـب
لابد يطلع لو مضى وقـت مخفيـه
من ما أعجبني منقول
[/align][/frame]
رد مع اقتباس
