القصيدة من الشاعر / فلاح الحميدي العبيسان الحميداني مهداه لأخيه الكريم / غنيم غزاي الحميداني عندما ألم به المرض
[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياغنيم قالولي مريضٍ لك أيام=وعن قدرة الله مايفكون الأقراب
جاني خبر وأنته مسافر على الشام=ورفعت طرفي يم فراج الأكراب
رفعت طرفي يم من يشفي الأسقام=اللي شفا لأيوب عقب المرض طاب
أرفع يدي يومن بعض العرب نام=وأطلب كريمٍ من ترجاه ماخاب
يشفي الرفيق اللي على الطيب جزام=اللي ليا جاء لازمي فيه ماغاب
ماطاع فيّه هرج حاسد ونمام=أفخر بطيبه بين الأقراب وأجناب
غنيم جزامٍ على الطيب عزام=لي صافي الرفقة اليا عد الأصحاب
ياما وياما شال عني من الّزام=بروحه وماله ماقفل دوني الباب
أخوي ماجاء من صلابي والأرحام=لا شك فى طيبه معي ماله حساب
رفيق مامثله رفيقٍ اليا قام=وياكثر ماعني تحمل للأصعاب
يومٍ بعض الناس رفقتهم أوهام=وليا بدا اللازم غدا عنك مرعاب
جربتهم لعلهم تحت الأقدام=لعلهم يفدون لغنيم وذياب
ولا طيع أنا بغنيم حاسد ولوام=أخوٍ يعاوني على حل الأنشاب
عبرت عن ماكن قلبي بالأقلام= أكتب وأنا محزون والدمع سكاب
الدائم الله والبشر ماحدٍ دام=وأطلب من الله لا يعجل بالأسباب
تمت وصلوا عد من صايم صام=على النبي الهاشمي عرب الأنساب[/poem]
رد مع اقتباس
