حب في الدرجة السياحية

[ابراهيم القحطاني]

السلام عليكم ورحمة الله وبركاته

مره كنت مسافر من ابها الى الظهران طيارة ولما وقفت الطيارة بمطار الرياض وبعد راحه حوالي ساعة سمعت القبطان يقول الرجاء اقفال الابواب للاقلاغ وفجئة خشت وحده قبل يقفلون باب الطائرة حضرت لي قصيده في المشهد هذا قلت فيها طبعا قصيدة غنائية عموديه


اركبت الطايرة متاخرة
انفاسها تسبقها
والفرح بعيونها
ياكبر فرحتها
الحقت رحلتها
قبل اشوفك
تمنيت السفر ياخذ دقيقة
وبعد شوفك
سرت احسب كل دقيقة
لا تروح الدقيقة لا تروح
ودي ارسم قلبين وروح
حبيتها بين السماء والارض حبيتها
عشقتها قبل اكلمها واشم عطرها عشقتها
واهبطت الطايره وودعتنا بالنظر
ما عرفت اني عشقت وفي خطر
هي عرفت ما دريت
هي درت ما عرفت
لخبطتني بالكلام
ضيعت حلم الزمان
انتهت



تعليق / ماسئل الواحد نفسه ممكن فيه اشخاص يحبونك بس انت ما انتبهت لهم ويمكن انت تغير اشياء في حياتهم سلبي او ايجابي
المهم هم شافو حاجه حلوه فيك ما شافتها انت في نفسك مثل القمر هل يدري ان الناس تتغنى فيه(؟

[ليلى بنت المهلهل]

شكرا

كلمات جميله

[ابراهيم القحطاني]

السلام عليكم ورحمة الله وبركاته

اشكرك على المرور

ودمتي

[ابن نمش]

تسلم اخوي ابراهيم على الكلمات الرقيقه


ياشاعر الطائره


الف شكر

[تقوى الهجر]

أخي الفاضل..

لقد كتبت في الطائرة وأتقنت ولكن هل أكملت خاطرتك على الأرض...


جرب....صدقني ستنــجح في إثرائنا بمنظومة رفيعة المستوى كأختها السابقة...


تحياتي لك ياصديقي..

[ابراهيم القحطاني]

السلام عليكم ورحمة الله وبركاته

ابن نمش شكرا لمرورك

تقوى الهجر

القصيدة حاولة اكملها لما نزلنا بصالة الوصول لاكن ما قدرت صعب جداً ياليت تروح المطار وتجلس في مكان بعيد لحالك ما احد معك وتتأمل الناس الي جاي من السفر زعلان والي رايح فرحان المطار احاسيس مره شفت زفة مصرية في المطار المطار احس انه عالم يجمع كل الاجناس فيه كل الاحساس بس صعب توصفة اشكرك على المرور - وبحاول بمشية الله

[&طير حوران&]

حبيتها بين السماء والارض حبيتها
عشقتها قبل اكلمها واشم عطرها عشقتها

هذا الحب والا بلاش

ههههههههههههههههههههههه

صح لسااااااااااااانك على

الكلمات الجميله والرائعه

والله يعطيك العافيه

على النقل الممتاز

مع تحياااااااااااااااااااااااااااااااااااااااتي

طـــــــــيــــــــر حــــــــــوران

[ابراهيم القحطاني]

السلام عليكم ورحمة الله وبركاته

طير حوران اشكرك على المرور ، وتعقيب على ردك القصيدة الغنائية هذي مو نقل هذي كلاماتي واشكرك مره ثانيه

[ابو ليلي]

[align=center]هذي والله مشكله



فعلا . . مشكله تكتب قصيده وانت في الطياره


ولا مكبوت و المشاعر فاضت دورها لو انا منك



كان كملتها ورحت اكلمها في اطياره نخلص القصه الغراميه



في الطياره احسن ماتكون هذي النهايه المحطمه . . . ؟؟



لاكن زين ماسويت حطيت حرتك في القصيده ممتاز [/align]

[ابراهيم القحطاني]

السلام عليكم ورحمة الله وبركاته

اشكرك اخوي / ابو ليلي على الحضور ، الحقيقة الطيارة صعب لأنك جالس على المقعد يعني تطالع قدام تشوف بس ظهر المقعد ماتشوف الي قدامه ، اذكر على طاري سالفة المقاعد شباب كانو يدرسون في البحرين المهم يقول واحد من الشباب اذا جيت اعقب على كلام المدرس كل الي في الفصل يلتفتون صوبي مع ان تعقيبي مو مهم واكتشفت اخر شي ليه يلتفتون لانه على يميني بنت جالسه (طالبه) والبنت جميله مره ومنفتحه يعني مو محجبه واذا تكلمت اوكحيت التفتو كانهم يناظرون فيني بس هم يقصدون البنت

[ابوجراح]

مشكور يالقحطاني كلمات رائعه
وجميله
الى الامام

[ابراهيم القحطاني]

السلام عليكم ورحمة الله وبركاته ،،،،

الاخ / ابو جراح اشكرك على المرور

[راعي الدهماء]

ياسلام على الكلام الحلو يالقحطاني

والله أول مرة أسمع واحد يقول قصيده في الطياره!!!


أخوك : رااعي الدهماء

[شيخ الحمادين]

مشكور اخي ابراهيم
علىالكلمات الرقيقه
ويعطيك العافيه.





وبعدين ياراعي الدهماء (الهواجيس لا جت تجي في كل مكان والدليل ان الشاعر الكبير/حمود بن سلطان تجيه هواجيسه في كل مكان انت تعرف وانا اعرف)
والسلام ختام

[ابراهيم القحطاني]

السلام عليكم ورحمة الله وبركاته ،،،،

شكراً يا شباب على المرور ، والشعر يقال دائم حسب الظرف او حسب الموقف يعني ما تقدر تقول للشاعر مثلاً اوصف لي موقف معين تحاول انك انت تملي عليه القصيدة صح بجيد فيها بس ليست مثل الي تنقال في وقتها