هذا ديوان لشاعر الكبير محمد الحميداني
وهذي قصيدة في المهندس جمال الحميداني
بيض الله وجه ابوفيصل جمال.................مالبس دوني ثياب العافيه
في هجير الوقت طيبه لي ضلال.............وفي شتا الفزعات ناره حاميه
اقسم انه ماعلى الطيب محال...............واقسم انه مايتكرر ثانيه
واشهد انه نادرن بين الرجال.................في زمنا والسنين الماضيه
كاملن طيبه ولله الكمال.....................وعاملن للباقيه والفانيه
اقتدوبه ياميلت العقال.....................بالمراجل والنوايا الصافيه
جايزت نوبل على طيب الافعال................استحقها لو مهي له كافيه
اسئلك يالله يارب الجلال.................اسبقه بالموت لو في ثانيه
وهذي قصيدة في الشيخ الاصقه المطيري
يامطير لاضاقت للاصقه تعنيت............شيخن تعناله معكفة الاشناب
شيخ الشيوخ الي بجاهه تذريت........شيخن ليامنه مشى يفتح الباب
شيخن تسلسل من ظهر ذايع الصيت...من بيت عزن للكرم شد الاطناب
حنيف قبلي قال يمه تعنيت..............لون من دونه ثمانين شباب
خيال سرحا ملحق الحي بالميت........بشلفن ولاشلفن لبوزيد وذياب
يامطلق الاصقه عن الحق عديت.....ولاضاع حقن من وراه انت طلاب
تكفى يابوماجد تراني تعزويت..........في مخلبن يجفل منه كل مخلاب
وياشيب عيني كان عني تخليت.......تناهشتني بالوطن صفر الانياب
من حر مونس قمت اجر التناهيت....وادمى بهامي من كثر عضت الناب
شربت كاس المر علقم وحلتيت.....وصبرت صبر ايوب في ضيم الاجناب
والي رفع سبع السماء واكرم البيت...ان مافزع جاهك فلا عندي اسباب
يامطير لضاقت للاصقه تعنيت........شيخن تعناله معكفت الاشناب
وهذي قصيدة في الامير
سعود بن ماجد الدويش
لعنبو بيت القصيد ان كان مايمدح سعود........وكان ماقيلت ببن ماجد تراها ضايعه
الشجاعه والكرم والجود قدامه سجود...........والمراجل كل ابوها جت لكفه طايعه
مبتدع طيبه بديعه وارثه ورثت جدود...........وارثه من راس شيخن له افعولن شايعه
لتعزوا فخوا جوزا تنتفض منه الاسود.......ذير زحول الشيوخ الي تجيله فايعه
مايحسب للقيام ولايحسب للقعود ..........ولايعد المشترين ولايحسب البايعه
لعتلى صهوت جواده واعتزى يرقى سنود...يشبع نسور السما واسباع الارض الجايعه
انتفاخر في فعوله لوتغطيه الحود............من مثل فيصل بوقته له فعولن ذايعه
ياسحابن شفت برقه واسمع لصوته رعود...زج زخات البرد حتى تجيني مايعه
ارضي اللي من ضماها تلعن ايام الحسود..والسواقي قطعوها اهل الطبوع الخايعه
ياحفيد العود ماتكفي من الشيخ الوعود............ولايكفيني تقول القصيدة رايعه
وترقبوا المزيد
