بسم الله الرحمن الرحيم
السلام عليكم ورحمة الله وبركاته
تحيه طيبه وبعد هذي قصيدة الشاعر/محمد الركن الوسن الحميداني
في آبن عمه المهندس /جمال ضيف الله حمود الوسن الحميداني
بيض الله وجه أبوفيصل جمال
مالبس دوني ثياب العافيه
في هجير الوقت طيبه لي ضلال
وفي شتاء الفزعات ناره حاميه
والمواقف لوقست مثل الجبال
فزعته منها تلين القاسيه
أقسم أنه ماعل الطيب محال
وأقسم أنه مايتكرر ثانيه
وأشهد أنه نادرن بين الرجال
في زمنا والسنين الماضيه
كاملن طيبه ولله الكمال
وعاملن للباقيه والفانيه
آقتدوابه ياميلت العقال
بالمراجل والنوايا الصافيه
جائزةنوبل على طيب الفعال
أستحقها لو مهيله كافيه
أسئلكـ يالله يارب الجلال
أسبقه بالموت لو في ثانيه
وهذي قصيدة الشاعر سعد بن ضيف الله حمود الحميداني
رد على قصيدة الشاعر محمد الركن الحميداني
يامحمد مدحت الطيب حلال
وكل نفسن للجمايل ناويه
مايبركـ لثقال ألا الجمال
والرجال بغيرها متساويه
والعلوم الطيبه تفتح مجال
للقصيد ومن زعل للهاويه
وأبو فيصل من كريمين السبال
للمراجل دوم نفسه هاويه
محفن الرجلين في رقي الطوال
عاسفن نفسه بيمنا قاويه
بين عم وبين جد وبين خال
ماردن مابه عدودن خاويه
راعي العوده ليا حدم القتال
وراغ ناس وناس جتهم ضاويه
أنتخوا ياراعي العوده تعال
الحياه وموتها متساويه
وجده من أمه ليا جاله مجال
أرتواها بالعلوم الراويه
مرون الفنجال من صفر الدلال
كن كفه والكرم متخاويه
مايحسب للجنيه ولريال
حافرن للبخل بقصا زاويه
هاه للحين محد كتبي فيني قصيدهـ <-
