[align=center]عطني ورق وأعطيك من نبع الاحساس
شعـرً يخلـد بالهجـوس المعـانـي
حروف شعرً تلتهـب ضـو مقبـاس
والا كمـا شهـرة سهيـل اليمـانـي
أبيـك تقـرأ ماكتبـتـه بقـرطـاس
أبيك تدري وش كثـر كنـت أعانـي
إقرأ السطور وحلـل الشعـر بقيـاس
وأبيـك تبحـر مـع خيالـه ثوانـي
تقرأ مابين سطورها حـرف حّسـاس
لك أنـت وحـدك يامسبـب جنانـي
لاني أحس انك وحيـدً مـن النـاس
وانت الوحيد اللـي سكنـت أبكيانـي
هالحين خذها واضحه لك من الـراس
وأبـي لحـل رموزهـا ترجمـانـي
كم لي تغاضيـت وتسامحـت لابـاس
لاباس صـارت كلمـةٍ فـي لسانـي
ياما زرعت احـلام باتـت بالافـلاس
يامـا سهرتـك ليـل طيفـه نسانـي
واليوم أحس أن الفكر حيـل منحـاس
والحـل واحـد مالهـا حـل ثـانـي
اما كذا ؟ والا كذا ؟ واطـوي اليـاس
لا ماحتري بالدرب مـن لا أحترانـي
طالت أمشيها ولا أدري علـى سـاس
ماكنـك اللـي ضمنـي وأحتـوانـي
لانته معي واضح مثل باقـي النـاس
ولانتـه مصارحنـي بسـر المحانـي
ذوقتنـي شهـدك ومنيـت بالكـاس
الله وكيلـك كـل مـابـك دعـانـي
قالت أحبـك ؟ قلـت يـادرة المـاس
والله حبـك مـن مكـانـي خـذانـي
جيتك شجاعً ممتطـي قـب الافـراس
كل مملكه شعري وصهـوة حصانـي
وأهديتهـا لعيـون نجـلً ونـعـاس
ذيك الرمـوش اللـي غواهـا بلانـي
أسهومها في وسط صدري كالامـواس
سهم العيون اللـي صوابـه رمانـي
وهب الشمال وذعذع الشوق نسنـاس
وفاحـت رياحيـن الغـلا زعفرانـي[/align]
[align=center]مــــنـــــقـــــوووووووووووول[/align]
رد مع اقتباس
