[poem=font="simplified arabic,6,white,bold,normal" bkcolor="transparent" bkimage="backgrounds/3.gif" border="inset,6,deeppink" type=0 line=0 align=center use=ex num="0,black"]
هاتو لي القرطاس وامداد الاقلام = وريضو عليه يالمناعير ساعه
ودي على اركز للرجاجيل الاعلام = واميز راي الطيب امن الدناعه
ويشكر على توصيل الاخبار من قام = العرف ماهو شين زود اتساعه
المعرفه بير له الضامي همام =واول مباديها لبوس القناعه
والا توالي ناقص العرف منظام = مثل المناوش دون كيد وشجاعه
ومن لا وعى درس الليالي والايام = اليا رقى العليا تشول كراعه
واليا نوى في حذفة الرجل قدام = اهتزت اقدامه وجاله رعاعه
واخذ الصحيح ايصيح للحق ضرغام =ويضيع حق اللي تصيبه جزاعه
من لا شمر وافتك حقه ولا شام = يروح في يد الملكع طماعه
وعيب على الرجال للهون مولام = وعيب طمان الراس عقب ارتفاعه
هذا مثل قبلي مختم بالاختام = عند الرجال اللي تعرف السناعه
وانا ليا نويت ثم سيرت الاقدام = رجلي على الظفعه توطا خناعه
واقف بوجه الموقف الحرج بحزام = سيفي دوى راس شكاله صداعه
واللي على دربي نوى زرع الالغام = احذفه بلغامه واكثر اوجاعه
لا ما يمررها علي ابو غشام = اللي ملاه الحقد ورهق اطباعه
جرثومة وده على نشر الاسقام = واليا بدى للنور ذاق الشناعه
واوصي الطيب على روس الانام = مانيب من يسعى لهون الجماعه
ولا ارضي على اهل الطيب عكاس الافلام = اللي يبى رد العطا وامتناعه
واللي زرع حقده لخالك والاعمام = تراه عنك ما يقصر ذراعه
واقول قبل المحكمه تبرم احكام = كلن معه حجه ويبدي دفاعه[/poem]
رد مع اقتباس
