البارحه مدري وش اللي خذاني

[ابن على]

البارحه مدري وش اللي خذاني
يوم اجنبوا عني من الضيقه اشملـت

جيت اتكلم بس عيا لساني
ماكني إلا مرتكب ذنب واخملت

الله يسامح من ذكرت ونساني
وانا ادري اني لاذكرته تجملت

عانيت وادري كل طيب يعاني
وعلى حساب طعوني الخضر جاملت

ياماخدوا مني ولااحد عطاني
من طيبتي في حق نفسي تساهلت

عزاي لامنه تجهم زماني
يممت وجهي للكريم وتوسلت

واللي يبي قربي وبعدي لقاني
امشي على وضح النقا ماتختلت

يامن سكنت اجمل زوايا كياني
ياما على نفسي عشانك تحاملت

مرات احس انك معي شخص ثاني
ومرات احس انك حبيبي ومازلت

لاتفرح انك دجت بين المحاني
لو ماتخون الذاكره ماتسللت

عشان ماضيك الجميل وعاشي
حاول تشيل من الوفا ربع ماشلـت

ماني على خبرك حبيبي تراني
حتي عن صغار الاماني تنازلت

[ابونادر]

صح لسانك يابن علي على القصيدة الجزلة

لاهنت وشكرا على التواصل

احترامي

,..