لمي دموعك واجمعيها بكفك
ثم انثري منها على بعض الاطراف
يمكنها تشفي على ضيم شفك
جرحك وانا جرحي له اضماد والحاف
كنتي وانا واياك وابليس صفك
يصور الواقع لك اشكال واصناف
درتي ولفيتي ولا فاد لفك
ورحتي وشلتهين ثقيلات وخفاف
ضا ع التوازن بين ثقلك وخفك
وماهي علينا خافيه بعض الاوصاف
واللي على جرحه تكابر وضفك
ماهو عشانك اوعلى شان الانصاف
لا ما فهمتي وش تواليه ظرفك
الحر ما يصبر على ظلم واجحاف
ماهو بانا اللي تخدعينه بطرفك
ما جابت اقصانا خفيفات وضعاف
النفس ماتقبل تواصيف وصفك
والنفس ماتقبل سخافات واسفاف
يا جرح لو يبطي مع الوقت نزفك
انزف بعد لو تنزف اسنين باسراف
رد مع اقتباس
