[align=center][/align]
[align=center]اباري حزن جوفـي واتحايـل علنـي احتـال
واثاري حزني الباطـن رثـا احـوال منزالـه
تنام الناس مرتاحه وانـا عايـش علـى منـوال
ليامـن نامـت العالـم غزيـت (البـن ودلالـه )
وأعلن محجر عيوني لستـاره ساعـة الإسـدال
وغاب الكل في عيني وحظر طيفه هـو لحالـه
وتلقيته بترحيـب الـذي غـاب وغيابـه طـال
تغبى صار لـه مـده ولايـدرى وش احوالـه
رسمت من الجروح اللي بجوفي له كما تمثـال
بعث لشفاه فرح وزال حزني يـوم هـو دالـه
اقهوي طيفه الغالي من هجوسـي وانـا مغتـال
واقهوي خافقي من بحر همي وارفـض ينالـه
رضيت اعيش كاتم هـم فبعـده والدمـع لاسـال
أقول انها دموع افـراح جتنـي حـزة وصالـه
حضنت الهم واشيله رضيت اعيـش فـي امـال
احسب ان الفرح حولي واثاري راح فـي فالـه
كتمت من الغلى بالجوف ماجنن (عقـول رجـال)
عسى مالاعب الخرقه وعفـو الـرب اشوالـه
غدينا يا ملاكي مثل مـن يتبـع سـراب الـلال
وغدير الما وهـو يتبـع سرابـه كـان يبرالـه
هويت الليل لعيونك مـدام ان الوصـال محـال
وإذا شحت بـك القـدره خيالـي دوم تحلالـه
هجوسي ادمنت رسمك عسى ماهي مواري خبال
دريت برسمهـا والا تكـرم انـت واقـرا لـه
طوابير الهمـوم اللـي تجـدد شوفهـا تختـال
غدت موطن حبيبـك يـا اعـز النـاس عزالـه
لاشك اللي مصبرني على بعـده وعـد جـوال
يوصل صوت غالي في سويدا القلب وأضمى له
ابادر له بترحيـب بحضـوره زارنـي همـال
مـدام إنـه شفـا قلبـي ودكتـوره وسـلالـه
اموت بضحكته واحيا ليامن قـال كيـف الحـال
وأرد الله يسلم لـي عيونـك ( حالتـي حالـه )
في بعدك هم مع ظيقه ضيـاع وقمـة الغربـال
هنيك في غرامي / وسعد منهو صرت غربالـه
احب اسهر مع طيوفك واقهوي هاجسي بـدلال
من مشاهد عيون اللي حضنـه الخافـق وشالـه
مابين العين وفـوادي خيالـك عايـش بترحـال
يوادع واحدن منهـم ويصيـر الثانـي مدهالـه
أمد إلك الغلـى منـي مشاريبـه شهـد وزلال
فداك العيـن والعالـم وعـدي وأيضـاً حبالـه
عشير ٍ ماوطى منقود ولاله فـي امـور هـزال
أحبه من صميم القلـب محبـه ماهـي إلاَ لـه
سكن وسط الخفوق وهز جوفي هـزة الزلـزال
كسب يومه خذا قلبي / وشرب فالحـب فنجالـه
وهو قبله (تعب غيره) ولاكـن للأسـف ماطـال
وهـذا داهـم الخافـق بـلا إستـإذان واغتالـه
ومدام ان المحاجر معلنه ذالحين وقـت اسـدال
طلبت الهاجـس يفـارق عشـان اسـج بقبالـه
الشاعر:ناصر آل شهوان الهاجري[/align]
رد مع اقتباس
