لكل موقف قمة
[align=center](قمة النشبه)
إذا صادفك أحد بالواجهه وأنت ماشي وخصوصا" إذا كان الممر ضيق
ترووووووووح يمين يروووووووووح يمين
ترووووووووح يسار يروووووووووح يسار
هذي والله النشبه الواحد يحس نفسه مغنطيس بذا الموقف=تلميح بجاذبيتي
**************************
(قمة السخرية)
إذا دخلت محل وشفت شخص واقف عند طاولة المحاسبة وسألته بكم هالساعة؟
ورد عليك عفوا" هندي المحل راح يجيب صرف لفلوسي ويجي
وقتها ألقط وجهك الأخ طلع سعودي بس العتب على ذا اللبس والشعر
الواحد بذا الأيام تقول هندي=بس لاتزعلوا بدون هز كمخة وكمان بدون ريحه هههههههههه
*************************
(قمة التحطيم)
إذا كنت معزوم على عزيمه وجهازك ياالساهر أو المصباح
وفجأه تشوف قدامك طفل بحدود ست سنوات باقي مادخل المدرسة معه آخر جوال نازل بالأسواق=بذمتك ماتخبي جوالك؟
***************************
(قمة القهر)
إذا دخلت بقالة ماعندها لا سن كولا ولا علك باطوق ولاحتى فش فاش أبو وردة=صحيح قديمات بس يصقعن بالراس
***************************
(قمة الإحراج)
إذا أنتظرت بغرفة الإنتظار بالمستشفى وباقي ساعة عبال مايجي الدور لك وللي بجنبك
وقعدت تسولف عليه عشان الوقت يمشي
وأستلمت نائب عميد الجامعة وقعدت تسب فيه بسبب تأخيره لمعاملة تحويلك لجامعة آخرى
_ هذا زيادة عدد بالجامعه مدري ليش حاطينه نائب
_ بس أتوقع أن حرف الواو<<الواسطه>> يلعب دور
_ هذا وجوده مثل عدمه هذا هو والكرسي نفس بعض
_ لابعد لو تشوف شكله تحلف أنه هو والقرد أخوان
_ و........و..............و.........و..........إلخ
وأنت قاعد تسب فيه تجي الممرضة وتبلغ اللي بجنبك أنه جاء دوره . اللي بجنبك وهو بيقوم يناظر لك بكل حقاره
وتنصدم لما يقولك خلصت من سب أخوي وإلا باقي؟؟؟؟؟
******************************
(قمة التعذيب)
آيام أول بالمدرسة يروح ولي الأمر للمدرس ويقوله لك الجلد ولنا العظم بس أهم شي ولدي يتربى
لكن
آولياء 2008 إذا المدرس لمس ولدهم ينخون القاصي والداني وماينتظرونه يطلع من المدرسة ، يهدون عليه بمكتبه ويخلونه بين الحياة والموت=هذا إذا مافطس من أول لفخه
******************************
(قمة الحلم)
إذا شفت الكرتون توم يأكل جيري=حلمي وأنا صغيره بس لحد الآن ماتحقق شكله بالحلقه الأخيره ههههههههههههههه
******************************
(قمة الإنهيار)
إذا دقيت على أحد أخوياك وخذتكم السوالف وبديت تحس بالملل وتستحي تقوله ياأخي سكر الخط<<ماصارت ،، حلا هي>>
بعد ماتنهار نفسيا" تجيك الكارثة العصبية
وتسمع صوت القطار ططططوط ططططوط وينلعن شكل شكلينك لما تتذكر أنك أنت المتصل ورصيدك راح بخبر كان وأخواتها=تصدقون دايم أسمع بالقطار ونفسي أشوفه خصوصا" قطار شريحة سوا
*****************************
(قمة الإشمئزاز)
إذا شفت واحد جالس بالحوش وقاعد يسولف تقول بالع راديو ، ويد فيها كاسة شاهي واليد الثانيه على بلاط الحوش وتطيح عينك على حركة يده وهو قاعد يذبح النمل بأصابعه=على طاري النمل تتوقعون معقوله يكون للنمل رموش؟؟؟
*****************************
(قمة الفشله)
إذا رحت لمركز تسوق وتحس أن كل عيون الناس عليك وقتها تقتنع بينك وبين نفسك أنو لابد من النزول بالسلم الكهربائي
وتجي بكامل رزتك وشموخك وتحط رجولك
وأنت بصوت خافت تتشهد وتجي المآساة الغير متوقعه أبد لما تشوف جزمتك تمشي قدامك=أبوك ياالفشله
******************************
(
)
(
)
(
)
(
من ترفيه قلمي[/align]
رد مع اقتباس
المشاركة الأصلية كتبت بواسطة لامبارد
