موضوع اول يوم جامعه

[اهـــــم واحد]

ترى الموضوووووع طويل وعلشااان كذا رررراح انزل حلقاااااات

مادرت عنه فجر السعيد راااح تضمه لطاقم العمل هههههههههه

السلام عليكم

الجامعه وما أدراك

ما الجامعه



بصراحه يا جماعه اني منذ مبطي و أنا محتاره أنزل ذاالموضوع والا لا ... وبالنهايه قلت يا ريم وش وراك أكيد انهم اشتاقوا لمصالتك و بثارتك (هين ) . المهم
موضوعي اليوم يهم كل شاب أو شابه - لا يروح تفكيركم بعيد - يدرسون في الجامعه ... مع اني مدري وش دخل الشاب لأن ماله دخل هذا بس يهم الشابات أو بمعنى آخر الصبايا... أنا طقت تسبدي من ذا الجامعه و قلت لازم افظفظ (تراني قعدت سنه اكتب في ذا الكلمه ) عن مافي غظارتي (للي ثقافتهم يونانيه يعني جعبتي أنا وفي عصر من العصور القريبه يعني من يجي سنه أوسنتين أو ثلاثين سنه كذا .... كنت طالبه في الثانوي ،اسمع في شي اسمه جامعه ولا عمري شفتها ..... حتى الرحلهاللي ينظمونها المدارس استغليت ذاك اليوم و غبت فيه (كخخخخ من الدفاره قاعده أذاكر و اختم الكتب - الله من النصب) كانوا كل قريباتي اللي في الجامعه يقولونلي الله يعينك على الجامعه يوووه وسعي صدرك توك بالمدرسه انبسطي ولا يهمك مجموع وما مجموع ( خخخ ظامنتها بدخل الجامعه يعني بدخل ) ... بس طبعا أنا كنت من جد مررره ودي أروح و أشوف وش ذا الجامعه واتمنى اليوم اللي أصيرفيه طالبه جامعيه ( قويه الكلمه صح ) متحمسه ما دريت وش بيجيني .... و طبعا بعد الكرف اللي كرفناه في
اختبارات الثانوي و المذاكره والدراسه المتواصله ( ايه هين افلقني اذا كنت يوم رحت الاختبار و أنا خاتمه المنهج) جت آخر السنه و الحمد لله طلعت النتايج منتازه التسجيل في الجامعه جا يوم تسجيل اللي ماخذين جيدجدا و طبعا ريم على رأسهم قلت اللــــــــــه اليوم بروح الجامعه عشان التسجيل قالوا أهلي لا ماله داعي تصفين طوابير و حوسه خلاص سجلناك طيب وش سجلتوني ؟؟؟ قالوا هماك تبين عنقلينزي خلاص قبلوك في العنقلينزي
طيب وشو أدب والا ترجمه ؟؟؟ ما ندري اذا رجعنا عقب الصيف نشوف
أدب انجليزي

وبعد ما رجعنا من السفر سليمين سالمين ( بعلمكم اننانسافر خخخخ وحده قرويه ) .... أخيرا جاني الخبر انهم قبلوني في القسم اللي كنت دايم أتمناه أدب انجليزي( بزعمي أحتك في شيكسبير ) .... أول اسبوع في الجامعه طبعا غياب .... وأنا ودي أروح .... أفحط في البيت أقول يمه تكفين أبي أروح قالت انثبري مافي دراسه أول اسبوع وش يوديك ؟؟؟ ( بالله قد شفتوا أم تمنع بنتها من الجد و الاجتهاد و الكفاح من أجل التعليم ) وكل صحباتي
يقولونلي وعععع يا قرويه .... الكشخه ما يحظرون الا عقب اسبوع أو اسبوعين من الدراسه .... قلت طيب يالله عشان أصير كشخه ( مع اني من جمبها

انتظرررو الحلقة الجاااي ههه انتبهي ياقوووت القلووب لاتكرفين كركركر

[قوت القلوب]

ههههههههههههههههاااااااااااااااي

بموت ضحك اصلن من العنوان

هههههههههههههههههههههههههههههههههههههههههههههههههه ههههههههههههههههههههههههههههههههههههه

اجل ماتدرين عننا انا وعيون المها اول يوم بالجامعه <<خلينا شكتين ارحم!!

بس ماتقصرين ننتظر الجزء الثاني وتيش سويتي بليز قوليلنا ؟؟

بس لاتقلوين فاتتك محاضرة تكفين ههههههاااااااااااي

قوليلي عسى ماتكشختي كثير وكانك رايحه عرس؟؟

اجل تدرين انتظر بنزل لك موضوعنا بالكلية انا وعيون المها وصور كليتنا هاههااههاهي
انا منزلة الموضوع باحد المنتديات بجيبه لك ان شاء الله ماانسى

وتقبلي تحياتي لك

[اهـــــم واحد]

هلا وغلا قوووووووت القلوووووب

ترررى عندي ارسله لكم ويعلمني..............كخخخخخخخخخخخ

شوووفي راح انزل الحلقة الثااني بس بشرط......قاااام يشوووف نفسه....ههههه

صح كلامي والا لا....... ماعمرررك يالمــهــــم جبت الصحيح......كرككرررر....

خلاص انا في انتظار موووضوووووعك على احر من الجمر............

مشكوووور ياوخيتي على مررررررررررروررررك

وتقبلي ااحترااااااااااااااااااااااااااااااااااامي وتقديرررررررررررررررررررررررري

[قوت القلوب]

على شرط؟؟؟

وش الشرط؟؟؟؟؟؟؟؟؟؟

ممنوع الشروط بالمنتدى؟؟؟<< على كيفي لووووووول

اوكي انا بنزل ان شاء الله عن قريب انتظر بس!!!

تحياتي قوت!!

[اهـــــم واحد]

هلا وغلا قوووت القلووووووب

حلوووة شرط................ يسمى بالحلووو.........ههههههه

اللي اوله شرط اخر نوووور................. ياعمررري يالاسلوووووب...كخخخخخ

اهم شي تعلمني ...........

وتقبلي احترااااااااااااااااااامي وتقديرررررررررررررررررررررررري

[اهـــــم واحد]

أدب انجليزي

وبعد ما رجعنا من السفر سليمين سالمين ( بعلمكم اننا نسافر خخخخ وحده قرويه ) .... أخيرا جاني الخبر انهم قبلوني في القسم اللي كنت دايم أتمناه أدب انجليزي ( بزعمي أحتك في شيكسبير ) .... أول اسبوع في الجامعه
طبعا غياب .... وأنا ودي أروح .... أفحط في البيت أقول يمه تكفين أبي أروح قالت انثبري مافي دراسه أول اسبوع وش يوديك ؟؟؟ ( بالله قد شفتوا أم تمنع بنتها من الجد و الاجتهاد و الكفاح من أجل التعليم ) وكل صحباتي يقولونلي وعععع يا قرويه .... الكشخه ما يحظرون الا عقب اسبوع أو اسبوعين من الدراسه . قلت طيب يالله عشان أصير كشخه ( مع اني من جمبها
أول يوم جامعي

دخلت و أنا مبســــــــــــوطه ... يــــاي بشوف الجامعه و لأول مره وعلى الهواء مباشرة و عن قرب أول ما دخلت حامت تسبدي وعععععع وش ذا الشغالات ....
اللي قاعده تسولف مع خويتها السيلانيه .... واللي تقشم حب و فصفص واللي يتبادلون رسايل .... قلت لا يا ريم معليش هذا بس عند البوابه .... ندخل نشوف الجامعه جوا والبنات دخلت والله و قسم بالله بدون مبالغه ،كني
داخله صالة عرس = زواج = فرح . من قدك ياقووت القلوب عرس من جد اللي فالتن
شعرها و المكياج كامل ( فل ميك اب ) و العيون أشكال وألوان ... اللي حاطه ظل بردقاني = اورنج .... واللي حاطه أحمر ... وحتى الرموش تركيبه .... والا أساس الوجه يوووووه .... الأساس وما أدراك ما الأساس ؟؟؟ أنا أقول انهن الظاهر والله العالم انهن يجيبون مغرفه و تغرف من ذا البودره و تكب على ذا الخشه وليتها تزين عاد .... وأنا أطالع فيهم مسبهه أقول في خاطري ... هذولي متى يصحون الصباح ؟؟؟ يعني الساعه كم ؟؟؟؟ تلاقيهم من الفجر و هم قايمين .... ياما يسشورون ياما يلفوون في ذا العراده اللي فوق روسهم .... وليتها تهبط عاد .... كل وحده تجينا شوشتها طايره تقل مظله تحمي رأسها من أشعة الشمس ....والا اللبس هذا عاد يبيله صفحه كامله .... التنوره يالله تمشي فيها البنت من ظوقها مدري وش الله حادها على كل ذا ... والفتحه ليــــــن ( لا يمكن الوصول الى هذه الصفحه ) يعني ما خلوا شي
أنا يوم شفت الحاله كذا قلت و بــــــــــس .... هذي الجامعه اللي يحكون عنها ... والله تحطمت آمالي وطموحاتي و أحلامي ( أقول بلا نصب أي آمال و طموح انتي حدك توصلين البطحا و ترجعين ) .... والله يظيق صدري وتقفل الدنيا بوجهي ... و أشوى كان معي بنت من بنات الجامعه المغبرات قالت لي .... لا يا عيوني يا حليلك والله انتي يا صعنطوطه ( بغيت أصكها بكف و أقولها ترى ذاالصعنطوطه تفرشك يا العجوزه ) و تقولي ترى هذا بس هنا في بوابه خمسه عند الشارع اللي يسمونه الشانزليزيه ( ما بغت تطلع ذا الكلمه ) قلت اخسسسس هذا الشانز اللي نسمع فيه
(اختصار الكلمه الآنفه .... اخس يالآنفه أموت يا فرنسي انتا )
رحلتي الى مبنى الانجيليزي انتظروها في الحلقة القاااادمه هههههههههه

عااارف انكم تحمستو

وتقبل احتراااااااااااااااااااااااامي وتقديرررررررررررررررررررررررررري

[اهـــــم واحد]

رحلتي الى مبنى الانجيليزي

والله و عظيت ثوبي قصدي تنورتي و درعمت أبروح لمبنى خمسه اللي هو مبنى الانجليزي و أنا أمشي صادفتني صواريخ من كل مكان .... ومطبات وطعوس مدري من وين جايه الصواريخ و أعني بذلك مظلات البنات ( الشمسيه ) أنافكني ربي رجعت لأهلي سليمه .... ما نقصني لا عين ولا رجل.... البنت تمشي ماسكه مظلتها و تخبط في اللي حولها تقل ساحة معركه ما تنتبه ... والله حرام ... مره وحده قدام عيني
خبطت مظلتها عين وحده ماشيه جمبها مالها ولا عليها ....تجينا البنت اليوم الثاني مفقوعه عينها ... والا الطعوس .... هذي عاد شي ثاني الواحده يبلها تمشي و هي منزله راسها تحت عشان تشوف لايكون فيه حفره والا طعس والا مطب
الأرض كلها مزفلته بالتمر ما شا الله يعني اللي صايمه ما عليها خوف القدوع واجد في الجامعه و بعد عناء .... مشيت و أدور مبناي أدور أدور ... ياربيه وينه ؟؟؟ وأشوف و أناظر ألتفت حولي يمين يساروألاقي مبنى مقربع مكسر ... مكتوب عليه ( 5 ) قلت لالا أكيد موب ذا مو معقوله هذا مبناي ... والى ذيك البنت اللي تمشي حاظنه كتبها شكلها مؤدبه خجوله رابطه شعرها (معليش عندي عقده مع الشعر ) قلت أبسألها شكلها ذي حليوه و بتعطيني العلم ... قلت لوسمحتي ( أموت على الاسلوب )
وين مبنى 5 مبنى الانجليزي ؟؟؟؟ قالت : ما تشوفين انتاي قدامش وش مكتوب ؟؟؟ طالعاي شوفاي مكتوب رقم فايف... خمسه ... ماتشوفين ؟؟؟
و أنا شوي و أسطرها قلت الشرهه ميب عليك على اللي يسألك دخلت ذا الشي اللي يسمونه مبنى 5 و في وجهة ( حلوه وجهة صح تدل على الوعي و الفهم وتدارك الموقف خخخخ) وأنا في وجهة نظري المفروظ يسمونه مبنى آيل الى السقوط
و يخب عليه بعد ( يا روحي على اللغه يا ناس والله عندكم عبقريه هنا بس محد معبرهاجيت مسكت اللين الثاني في القاعه و قعدت في الوسط ... ماقعدت قدام طبعا عشان يقولون اللي تقعد قدام تمطر عليها (تفلات الدكتوره ) ... وما جلست ورى عشان أمي تهاوشني (تسمع كلام ماما ) و زي ما يقولون خير الأمور الوسط ....
جلست بالوسط وربطت حزام الأمان و فتحت دفتري أبكتب اللي تكتبه الأستاذه .... والا الحرمه ما عندها نيه تكتب ... أبي شي ينكتب في ذا السبوره و تقول اللي جمبي
يالخبله مهيب مدرسه ذي تكتب كل شي الدكتوره .... لا لاهنا انتي تكتبين اللي هي تقوله عاد انتي و سرعتك تلحقين والا ما تلحقين معها ... أنا في خاطري أقول يا حسافة ذا السبوره بس و طبعا بمرور الأيام و الأشهر أنا حامت تسبدي من ذا
البنات و الأستاذات ( ايه استاذات موب دكتورات وش عندكم؟؟؟ ... أصلا نصابات هم ... تلاقي وحده اللي دكتوره من جد ... يروحون يسمون الباقيات دكتورات بعد أقول أهابس بلا فقش ) المهم توصلت الى هذا التصنيف من البنات
ماذ تعرف عن قسم الدلوووووخ وقسم المكاااااتب وقسم التطنيش وقسم الرسوووب
وقسم الدوووووووووووووووووووافير تابعونا في الحلقة الجاااااااااااااااي
وررااااح يبن كل حااااااااااااااااااااااااجه ههههههههههههههههههه
وتقبلو احتراااااااااااااااامي وتقديرررررررررررررررررررررررررررررررري

[اهـــــم واحد]

قسم الدلوخ

و هم الطالبات اللي يكرفون كرف الحمير بس بركه مافيه (الا والله مهنا مخ ) نظريتهم السؤال بالأحمر و الجواب بالأزرق .... يبدا الترم تشوف الوحده جايبه خمسين قلم كل
واحد منها لون و تحس و هي تكتب انك في حصة فنيه مهيب محاضره ينقشون كل شي تقوله أو تكتبه الأستاذه حتى السلام عليكم الظاهر انهم يكتبونها .... غياب مافيه .... واذا قالت الدكتوره جيبوا الواجب الاسبوع الجاي تلقاهن جايبينه من بكره .... اذا سمنا مشاركتهن في القاعه نقول يؤ يوالله وش هالدوافير ... وفي آخر الترم الناس تعدي و هم ( أف ) رسوووووب قسم المكاتب وهذا النوع يعتمد على التلزق في الاستاذات ... نظريتهم
في الجامعه .... أهم شي الاستاذه تعرفني الناس تخلص محاظراتها تبي تروح لبيوتها وهم تلقاهم في الاسياب و من مكتب في مكتب ... يدوّرون الأسئله اللي يعرفونها و يسألون الأستاذه عنها عشان ما تكتشف انهم من جمبها .... و لو يحصلها تشيل شنطة الاستاذه ما عندها مانع ... معدلهم يعتمد على عدد زياراتهم للمكتب والخدمات اللي يقدمونها للأستاذه
قسم التطنيش

و ينقسمون الى فئتين : أ . فئة الدجه / ب . فئة الفله <=== مع شدّه على الام و طالبات هالقسم لهم نفس المواصفات تقريبن ، فكلا الفئتين متشابهتان(يمديكم على اللغه)فنظريتهم طنــــــش تعــــــــش تنتعـــــــش .... يمتازون بالصرقعه والهبال وسعة الصدر في الجامعه .... ماسكين الصف الأخيرواذا عطتهم الاستاذه قفاها دقوها سواليف واذا شرحت قعدوايهزون روسهم يعننا معاك .... ما يشاركون ولا يكتبون ...وقبل الامتحانات يروحون لقسم الدلوخ ( انظر أعلاه ) ويصورون المحاظرات منهم و اذا صارت عليهم مشكله مع
الاستاذه يرحون لقسم المكاتب ( زي اللي قبلها ... انظراعلاه ... تراني موب كل مرتن بعيدها عاد افهموها لحالكم انتم ) يتوسطون بواحدتن منهن .... الاختلاف الوحيد بين
الفئتين المذكورتين آنفا ( ترى موب أي واحد يجيب ذاالكلمه في سياق الموضوع فهي تدل على الوعي و الفهم واستيعاب الحدث ) والاختلاف الوحيد هو أن فئة الفله
ينجحون و فئة الدجه يرسبون وهذا راجع الى أن فئة الفله أذكى من الدجه بشوي
تابعوا وقسم الرسوووب

وقسم الدوووووووووووووووووووافير تابعونا في الحلقة الجاااااااااااااااي....ههههه

[اهـــــم واحد]

قسم الرسوب

وهم الطالبات اللي لا يكتبون ولا يسولفون ولا يشاركون ولا يتلزقون .... من مايبدا الترم و احنا عارفين انهم راسبين راسبين ... نظريتهم ( راسبين يعني راسبين ) غالبا ما تنتهي حياتهم بطردهم من الجامعه بسبب المعدل
قسم الدوافير
وهالقسم مايبيله شرح نظريتهم ( اذبحوني ولا تقولون عطيني واجب ) غالبا دمهم ثقيل و مكروهين من باقي الأقسام لأسباب مختلفه .... مثلا الدلوخ يكرهونهم من باب
الحسد ... والمكاتب يكرهونهم من باب أنهم يسببون لهم زحمه عند باب مكاتب الاستاذات و اذا جو يسألون يسألون أسئله صح و التطنيش من باب انهم ما يعطونهم الواجب ...
يجيبون معدلات صح بس علاقاتهم صفر و ترى ذا التصنيف موب أنا اللي حطيته ... و كل صنف ممكن تلقا له شواذ ( موب الشواذ اللي في بالكم ) يعني مثلا ممكن تلقا دافوره دمها خفيف وراعية فزعات وما تقصربالواجبات و بكذا تبدع في الجامعه و علاقتها
منتــــــــــــازه بس طبعا هذي نادرا هالايام
ملاحظه لأخواتي و اخواني الطلبه
لا تشدون حيلكم ولا شي ترى المعدل شختك بختك ...الماده اللي أذاكرها من قلب يا دوووب أنجح فيها و الماده اللي أطنشها و ما أذاكرها الا قبل الامتحان بيوم أو
يومين أبدع فيها .... مدري ليه يمكن لأني من فئة التطنيش فرع الفله

ترها الحقله الاخيرررررررررررررررررررررررررررررررررررررررر ررررر ره

وتقبلوا احتراااااااااااااااااااااااااااااامي وتقديررررررررررررررررررررررررررررري

واشووفكم في موواضيع اخرررررررررررررررررررررررررررررررى

وتقبلو احتراااااااااااامي اخوووكم المـــهــــم (اهــــــــم واحد)