[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="double,7,black" type=0 line=1 align=center use=ex num="0,black"]
قصيدة رثاء في أمير قبيلة الحمادين الأمير جاسي ابن محمد الحميداني رحمه الله وأسكنه فسيح جناته
البارحه دمعي تنثر من العين=وهلت دموعي مثل وبل السحابه
ياعين ما ألومك اليا مات تبكين=أبكي الأمير اللي عزيزٍ جنابه
أبكي الأمير اللي على العسر واللين=ماصك من دون المسايير بابه
مرحوم ياأميرٍ بكوك المساكين=ويبكي عليك اللي زمانه غدابه
أبو علي عمي زبون المخلين=شيخ الشجاعه والكرم والمهابه
انا أشهدنه لافعل يوفي الدين=اليا فعل كلن يضيع صوابه
له قيمته عند الشيوخ السلاطين=ياللي تحسبون المراجل تشابه
أمارته من عصر راجح لها اللحين=ماشيخه ختم البيوت الخرابه
له شهرتن تاصل اليا حد برلين=ماهو من اللي شيخته بالطلابه
وعند الملاقا يعطي الصاع صاعين=ياجاهله أنشد وتلقى الإجابه
وعقّب حرارٍ للمراجل وريثين=لاجيتهم تلقى الكرم والرحابه
وإن ماكتب شعري بأمير الحمادين=نذرٍ علي أني لا أسكر كتابه
عسى على قبره ورود ورياحين=وعساه في دار النبي والصحابه
وقولوا معي آمين آمين آمين= عساه باليمنى يسلم كتابه
محمد ابن فيحان بن محمد الحميداني [/poem]
رد مع اقتباس
المشاركة الأصلية كتبت بواسطة برقـ الوسـم
