[align=center]
هذه القصيدة بالطفلة المفقودة ابتهال سلطان المطيري أعادها الله إلى أهلها سالمة
للشاعر علي بن سليمان الحميدي الزلفي 16/03/1427هـ
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يرتجف قلبي ليامن ذكـر طفلـة مطيـر=ابتهال إللـي خطيـر ٍخفوقـي تشلعـه
كيف يرقد مسلم ٍعنده احسـاس وظميـر=والبنّيـة توهـا أم السنـيـن الأربـعـة
فاقدة أحضان أهلها لا حنـان ولا عبيـر=كيف أوصف طفلةٍ دون ذنـب مروّعـة
عشرة أيامٍ مضت بلا بشيـر ولا نذيـر=أظلم الزلفي وعانـق ظـلام المجمعـة
عشرة أيام تقل دهر والموقـف خطيـر=والمنام اللي عشقتـه يفـزّع مضجعـه
أحدٍ يرقد مفرشه بيـن ديبـاج وحريـر=وأحدٍ يوجـس ملّـةٍ بالفـراش مولّعـة
الضنا جنّة وبُعـده عـن الوالـد سعيـر=والمصيبه أمّـه اللـي سنيـنٍ ترضعـه
افزعوا تكفون واستبشروا خيـرٍ كثيـر=ما يَعقب الضيق باذن الكريم إلا السعـة
يا إلهي وانت نعـم المعـاون والنصيـر=يطلبك عبـدك ودمعـه يجـرح مدمعـه
يطلبك مفجوع مظطر ولوحـده سهيـر=ما يشوفه كود عينـك ووحـدك تسمعـه
رد يوسف وابصر اللي عقب فقده ضرير=ما رجـع إلا لأنـك أمـرت ابمرجعـه
يا كريم ويا رحيمٍ علـى الشـدة قديـر=سالمه ترجع قريـب ابتهـال المجمعـة[/poem]
[/align]
رد مع اقتباس
