[poem=font="simplified arabic,4,black,bold,normal" bkcolor="transparent" bkimage="backgrounds/5.gif" border="none,4,gray" type=1 line=0 align=center use=ex num="0,black"]
الله خلق دنيا ومعها حججها = ومقسم الارزاق للناس محتاج
يا عايش الدنيا وساع فرجها =لاحلت الضيقه يجي عقبها افراج
والصبر ينجي من مدارك حرجها= ينجيك لامنك تباطيت الافراج
والله جعل مع كل شده فرجها=انجى الغريق اللي بغب البحر لاج
يالادمي دنياك عوج حججها =فيها القدر ينسج على كف نساج
وكل يموت ولالحق منتهجها =ولو دامت الافراح ماشفت محتاج
احفظ فروضك لاتخالف نهجها = اد الفروض ويمت البيت حجاج
ورجلك الياكثرت مشاغلك سجها= انص الرفيق وكل ساعه لها اخراج
وعن زلت يفرح بها من هرجها =احفظ السانك لاتجي طعم هراج
واحذر من الخفرات بين غنجها = عنها تشيم لاتغرك بمكياج
ولاساقتك شهوتك للشين عجها = ممشى الدروب الخايبه عيب واحراج
يفرح عدوك لاتبين خمجها =ومناصرك مايرفع احجاج لحجاج[/poem]
رد مع اقتباس
