السلام عليكم ورحمه الله وبركاته وكل عام وانتم بخير........
قصيده غزليه اقدمها لكم... وارجو ان تنال الاعجاب....
اترككم مع القصيده
[align=center]يهاجسي بشعلك بالشعر واشتب/شبت شلوخ السمر في داخل وجار
على وليفن شب ظلع الغلا شب/وادنا خفوقي من لهب صالي النار
خلن شرب وصف الحلا لين شرب/باقي وصوفه من حلا الحلو واختار
ابدع بخلقه خالقي لين رتب/زينه على القمه ومن شافه احتار
وصفه يخلي شاعر الوصف يشطب/لعيونها كل القصايد والاشعار
ابوجديلن فوقه الليل منكب/والوجه بدر وطارف الوجه مندار
والحاجبين هلال والعين تقرب/لعيون حرن ناقله كف صقار
والخد تين وشفة التوت تشرب/من ريق خمرن ماتحلواه خمار
ولامن تبسم شفت برقن تسرب/بين ا لشفايا والبرد نصف دوار
والهرج لامنه نطق به تطرب/جوي معه مثل الطروبي على الطار
والمشي لامنه مشى تقل يقضب /مشاعر العالم وتقفاه الانظار
ماقول غير الخشف هذا تقطب/حبه على قلبي كما قطب مسمار
وانا عن ادروب النقا ماتهرب/ماغير اسلومي ولو صار ماصار
بخفي شعوري ياعرب واتجنب/ هرجه عذولن سكته عج وغبار[/align]
رد مع اقتباس
