المرجوج قبض عليه بملابس نسائيه هههههههههههههه
[align=center]كل مره نسوي مقلب في واحد من شلتنا وهالمره المقلب انقلب عليه رحت ابسوي مقلب في واحد على اساس اني
.
بنت وابطلع معاه وراح اخوكم المرجوج واخذ عبايه وغطايه وكعب وتنوره وشنطه من عند اخواتي وقلت لهم
.
ابيكم تعلموني على طريقة لبسها فيه مسرحيه نبي نسويها بالمدرسه وطول الليل وانا اسوي بروفات عند اخواتي
.
على لبس العبايه والغطايه وماذبحيني الا المشي بالكعب انشهد انكم محترفات يالبنات المهم اخذت الدوره
.
التدريبيه في البيت ورحت في الليل اطبق البروفه الأخيره عند الشباب وياهم ضحكو ضحك المهم بعد صلاة
.
العصر طلعت انا وواحد في الشارع ننتظر خوينا اللي نبي نسوي فيه المقلب على اساس اني خويته وطلعني
.
اثاري طلع واحد من الشباب خائن قد اكل مقلب قبل كذا وحاقد وراح قله قام هذا وراح للهيئة وقالهم فيه واحد
.
مطلع وحده وتلاقونهم الساعه كذا في المحل الفلااني وجلسنا ننتظر ما درينا والا جمس الهيئة واقف ونازل منه
.
شيحين وعسكريين واثنين وجو يمنا من قدام الجمس واثنين من وراه اثنين وحشرونا وقالوا وش عندكم هنا قال
.
اللي معي ننتظر لموزين قالو وصل اللموزين وطلب اثبات خويي بغيت اطلع بطاقة الاحوال من الخرشه
.
وتجمعوا الناس وقال الشيخ يالله اطلعوا للجمس وزين اني لابس تنوره وشراب تقول حق عجايز من زين الرجول
.
عاد المهم رحنا للقسم وناوين ياخذون كل واحد بغرفه وانا اقوم في الصاله حقت القسم وافسخ العبايه واقلهم انا
.
رجال ماني بمره ووقفوا جميعهم ساكتين ومنذهلين وقال الشيخ لاوالله تخسا منت برجال قلت والله انك صادق 0
.
خايف ما ودي اطولها معه نبي نخلص الموضوع وفتحو معنا تحقيق انتحال شخصية امرأه وحاولنا تفيهمهم
.
قالوا ابدا لازم نحولكم لقسم الشرطه قلنا تكفون ياعيال الديره ما نبي الفضيحه قال اعترفوا وقلنا والله مقلب نبي
.
نسويه في واحد قال منه وش اسمه قلنا فلان قال هذا هو اللي بلغ عنكم قلنا الحمد لله تأكدت الحين قال هين راح
.
نيجبه معكم هذي فيها انتحال للشخصيه وازعاج للسلطات وطالت وشمخت من العصر الى الساعه 9 بالليل
.
وقلت والله مالها إلى أهلها وطمرت على الشيخ قلت لو سمحت ابي التلفون ابسوي فيها زي التماثيل قل على من
.
تتصل قلت انت تعرف الحين قال والله لو تتصل على مين كان ماراح افككم قلت ياشيخ تارك المعاصي
.
والمنكرات في الشوارع وقابض عليه انا وخشتي وش تبي فيني 0 واتصل على واحد من المشايخ وقلت تكفى
.
افزع لي انا في القسم الفلااني قال عسى ما خلاف قلت تعال وتعرف جاء الرجال يوم جاء والا خويه اللي كل
.
يوم يصلي معه لابس تنوره ياذي الفشله وضحك ومات ضحك وقال افااااا يابوداحم انت من جماعة المسجد
.
تتشبه بالحريم كمل الناقص واصبغ وجهك وشفايفك المهم ماقصر الرجال فكنا منهم بعد مازكانا عندهم وانقلب
.
المقلب علينا وقال الشيخ يمكن نحتاجك في بعض المهمات
.
قلت هين والله ماعودها0 وسلامتكم
<<<< ابو رجه من القصه متأثر حتى اللون وردي
وبعد من بينك قيرل
اكيدي تعرفونها
خخخخخخخخخخخخخخخخ
برررررررررررب
حووووووول[/align]
رد مع اقتباس
