السلام عليكم ورحمة الله وبركاته .....
مساء الخير للاعضاء الكرام والزوار ......
بمشيئة الله سوف تقام مسابقة القصيده الذهبيه :
طريقة المسابقه بأن يأتي كل عضو بقصيده لأي شاعر بشرط ان يكتب اسم
الشاعر وتكون من أفضل القصائد :الغزليه العفيفه ,أوالنقد الهادف ,أوالمدح
المقبول ,أوالنصح وفي نهاية الاسبوع يتم التصويت على القصيده الذهبيه من
قبل الاعضاء وتثبت في ديوان خاص
وهذه أول القصائد............
[poem=font="simplified arabic,5,black,bold,normal" bkcolor="white" bkimage="backgrounds/49.gif" border="double,4,sienna" type=0 line=0 align=center use=ex num="0,black"]
يالله ياعلام ماكان بالكون=والامر منك إليك عقده وحله
ياعالمٍ ماكان بيٌن ومكنون=وفي ماتشاءالعبد تهداه وتضله
ياناصرٍ موسى على قوم فرعون =ويامرجعٍ يوسف على والدله
ياللي عفيت ايوب وأخرجت ذا النون =ونجيت عبدك نوح من غرقتله
تفرج لحظٍ صار من دون في دون =له مدةٍ عيا يطيب مرضله
واكثر سبب جرحي من اللي يداوون =ماله طبيب ٍ صاحي ٍ من صحله
تعرضه حاسد ومبغظ ومفتون =لين اصبحت مع علته ذيك عله
اسباب عدوانٍ ابماصار يسعون = يبون عزل العود من شجرتله
تدخلوا لين ادركوا ما يريدون = الله يخون اهل القلوب المغله
لا وعصانا اللي بها العز مضمون = راس العدو نضربّها هامتله
تشلخت ماعاد به شك وظنون =وعزي لمن تفقد يدينه عصله
تكفون ياعيال العبيات تكفون =امرٍ جرى غصبٍ على الكل كله
تسامحوا باموركم لا تقاصون =الذيب نابه ماقطع بلحمله
وفي مثل بلواكم ترى الناس يبلون =ولا عاش من واخذ رفيقه بزله
وانتم عليكم للعدو سبر وعيون =وأمرٍ يفرق جمعكم جايزله
وده لكم بالنقص ماتستعزون =حتى في بدتكم يزين معدله
وان ماتصافيتم على الكود والهون=تبين فيكم بعض الايام خله
لا بد من يومٍ يجي فيه ترضون =اليا وقف كلٍ على ماقفله
في ساعةٍ يقضى بها اسلاف وديون =كلٍ يبي ميزانها راجحله
اللي عليه قروم ربعه يحاضون = ياخذ وراء حقه حقوق قبلله
ورجل بلا ربعٍ لضده يضدون = لو ان حقه بينن ماحصله
ويشوف في دنياه حسرات وغبون =ويصبر ولو كبرت عليه العضله
الرجل لو هو ينطح الجمع بالكون =اليا شذ عن ربعه غدت هيبتله
والداب مايذبح قريصه بلا سنون=والرمح مايطعن بلا حربتله
ومن لا يحسب غيب الايام مجنون=يصبح مثل بياع عزه بذله
وانتم رجالٍ كلبوكم تعرفون= مافي تفرق جمعكم خيرتله
الحق والواجب عليكم تساوون =مساو ًيجدد للبغيض وجعله
حتى انكم بكبود الاضداد تاطون =ولا يلحق المبغض بكم غايتله
الله يجمعكم على ماتحبون =جميع مشكلةٍ عليكم يحله
بجاه الذي له جمعة الخلق يدعون =خالق جميع الخلق دقه وجله
وصلوا على محمد عدد مايصلون=قومٍ هداه الله على سنتله [/poem]
الشاعر الكبير\ مجهول بن محمد المجهول العبيوي
رد مع اقتباس
