[align=center][align=center]الإهداء لكل الزعلانين في الدنيا
يا ريم وادي غلاي وسيل تحنانه
واحساسي العذب .. لا .. يا اعذب أحاسيسي
من وين طحتي على قلبي يا رمّانه ؟
وشلون أوجدتي اسمك في قواميسي
بأشعل ضلوعي حطب وادفي يا بردانه
تمسكي في عروقي .. عن كوابيسي
أبحضنك طيف عابر .. ليه خجلانه ؟
ما دام وصلك حكاية في هواجيسي !!
أنتي لو انك تركتي قلبي وشانه !
ما كان ريح الوله تشعل فوانيسي !!
كم كان مسجون قلبي بين جدرانه
كم كنت افكر أحب ! وألعن ابليسي !
مشاعري صح .. والأيام غلطانه !!
جابتك والشيب يلعب في تضاريسي
أنتي من أية زمن جيتي يا ولهانه ؟
ووشلون كنتي بعيدة عن كواليسي ؟
يا حلوه رضاك لا من هب ريحانه
ولا من زعلتي يصير الشعر تنفيسي
واقوم اغني واقول " الحلوةْ زعلانه "
أزعلّك يمكن يراضيك ...... !!
قومي نغني سوى " هيلا يا رمانه "
باحساسك العذب .. لا بأعذب أحاسيسي
تحياتي .. مســتانـسكـو و و :rose:[/align][/align]
رد مع اقتباس
