[poem=font="simplified arabic,6,red,normal,normal" bkcolor="transparent" bkimage="backgrounds/15.gif" border="double,6,red" type=1 line=0 align=center use=ex num="0,black"]
قهرني ماحصل في وسط غزه= ودريت ان العرب ماهم بعزه
الا يانعنبو عيش المذله =المسلم يذبح وحنا نخزه
لنا في كل صباح فجيعه= وحنا مابيدنا مانغزه
ومن يخبر ابو متعب بقولي=عسى لاسمعه البيرق يرزه
اله سطوه واله حشمه وشيمه= وله عند العرب قدر ومعزه
وله صوت(ن)ليا منه شهر به= يصيب الشرق ويا الغرب هزه
وله شعب(ن) يحبون المنايا= كما حب السبيل لمن يمزه
وكل العُرب ماشين(ن) بطوعه= تطيع اوامره في كل حزه
ويبا ياصل مدد من كل دوله= وكل(ن) دربه لغزه يقزه
نبي نمشي بدبابه ومدفع= وطياره وصاروخ ندزه
نرد قول لا اله الا الله = ومن ياقف بنحرنا نكزه
وعليهم والله اكبر لانتخينا= نشيل الروس والغارب نجزه
مثل ضرب الصواعق لاضربنا= وكما احرارن عثت بعيال وزه
ننال المجد والعزه تعّود=ويجي رونق ومزه وسط غزه[/poem]
رد مع اقتباس
