[poem=font="simplified arabic,5,purple,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ود الأمانة ودها يارسولي=لأصحابي اللي عودوا مثل الأغراب
تكفى قبل حزني وصمتي يطولي=ترى الرساله خمسة حروف بكتاب
لأصحابي اللي بالقسى ما صفولي=مدلولها.. شهرة .. ومضمونها عتاب
اللي ليا ضاقت بهم صوتوا لي=وأسكنتهم قلبي..وعيني..والأهداب
وأن غبت ضاقوا وأن حضرت هتفولي=وكل(ن) تبسم لي من الناب للناب
وأنزاح همي .. واستراحت ذلولي=وحل الفرح والحزن عن ناظري غاب
ويا ما .. ويا ما ..آآآآه.. يا ما حكولي=وصدقتهم .. وأصدقهم اليوم ..! نصاب
شف كيف.؟ يوم أحتجتهم ما وفولي=لا و حسافه .. كيف ظني بهم خاب
شدة .. وتزول .. أو جعلها ما تزولي=أن عودت رجلي على شجرى الداب
من قبل فرحة حاسدي مع عذولي=ومن قبل حزني لأقرب الناس ينساب
قلته وشاهد حجة الصدق قولي=وما أقول غير لشاهد الزور كذاب
وقت السعة يا كثر الأصحاب حولي=و وقت الشدايد لا حبايب ولا أصحاب
وحيد أقيس الهم عرضي و طولي=من سفح مرقاب على رأس مرقاب
واللي قطع قلبي وسبب ذهولي=أني قبل لا أحتاجهم كانوا أحباب
كلمة صريحة ودها يا رسولي=عن رفقة أصحاب الرخاء خاطري طاب[/poem]
رد مع اقتباس
المشاركة الأصلية كتبت بواسطة جرح قلبي
