بمناسبة زيارة صاحب السمو الملكي امير منطقة القصيم الأمير / فيصل بن بندر عبد العزيز آل سعود محافظات المنطقة قبل عشر سنوات تقريبا حفظه الله [poem=font="simplified arabic,6,black,bold,normal" bkcolor="transparent" bkimage="backgrounds/11.gif" border="solid,5,red" type=1 line=0 align=center use=ex num="0,black"]
تهني يالقصيم بفيصل البندر وسوي عيد = وهو عيد القلوب اللي من الفرحة تهليبه
وهو ساس العدالة والعدالة من هل التوحيد = من أحفاد الزعيم اللي عطيبات ٍ مضاريبه
على زيارة سموه نعلن الفرحة بلا تحديد = من اعماق المشاعر يا هلا وألفين ترحيبه
نرحب بك بدار ٍ في قدومك لبست الجديد = من المذنب ماغن العلم وأمجاده انباهيبه
يشرفنا وجوده بينا منه النفوس تزيد = بأحاسيس الشعور اللي من العرفان تتنيبه
تباشرنا بفيصل يوم جانا نرفع التغريد = بعال الصوت مع حلو الكلام اللي نغنيبه
سعادتنا بأبو بندر عظيمة والنهار سعيد = والأسعد من نهار ٍ يجمع الشعب بمعازيبه
على حسن اختيار اللي لعمره نطلب التمديد = عسى ربي يمدد في حياة الفهد ويثيبه
نحب الشجرة اللي ينتمي لجدورها الصنديد = وحنا اللي ولائنا من وفانا ما نضاهيبيه
وحنا اللي تكاتفنا به أشراف الشعوب تشيد = على قو التضامن والعهد والوعد نوفيبه
على حب الوطن واللي يقوده ما نبي تأكيد = روت منه القلوب المخلصة ما عاد تصخيبه
نسوق الروح والمجروح منا ما يبي تضميد = يشوش بماضي التاريخ والحاضر يماريبه
وحنا مكرمين الجار وأهل الكار والضديد = نوريه الإهانة لين عدوانه تفليبه
نسدد به وسيعات المضارب بالنحر تسديد = اليا خان الأمانة كسر جنحانه ثمن عيبه
دروس لكل خاين لا تباين نقطع الوريد = اليا طبله الوسواس قطع الراس تأديبه
هدف عبره لغيره وإن تغير ما مشى بالسيد = اليا تاه الطريق نغير الخطة ونبديبه
اليا اهتزت شوامخ نجد ساعة بالضديد يبيد = شوامخ مجد والتاريخ ماليتٍ مكاتيبه
وحنا اللي على الإسلام نرفع راية التمجديد = على الشرع الحنيف أبو الفهد جود مناسيبه
طلع عبد العزيز وقال لا عنتر ولا أبو زيد = انا الحاكم وراع الظلم حد السيف يمضيبه
حكمها بالشريعة منقذٍ شعبه من التشريد = جمع شمل الشتات وقال ترع الشاة مع ذيبه
قطع جرد الفيافي يوم جاها وسهال الريد = هاذي دار ٍ يصبحها وذيك الدار يمسيبه
فضاها لين صفاها من أهل الحقد والتنكيد = وراها الحنان وبالأمان أوصى مناجيبه
معد ما أمن حدوده وأطلع انجاله على التحديد = اوصاهم بالتكاتف والوفا والدين يوصيبه
رحل لجوار ربه واستلمها ممن الرعديد = حملها سعوده من يعده وكثر الخير من طيبه
وسلمها الفيصل واستلمها والعدو شهيد = على حسن الإدارة لين جا للمملكة هيبه
رفع من مستواها بالسياسة وأخمد التنديد = وعزز من مكانتها وطورها بترتيبه
نشر دين السلام وحارب الإلحاد والتهديد = وقال المسجد الأقصى لنا وأوعد يصليبه
وسلمها الخالد والرخاء في عهده الفريد = على درب الشريعة منهجه والعدل يمشيبه
خالد في عهده الزاهر فعوله خلدت تخليد = تبي تبقى مع الأيام للأجيال تحكيبه
صليب الرىي محمود الفعايل والفهد عضيد = وسلمها الفهد يوم الفهد ينطح مواجيبه
تنطح معجزات الكون في فكر ٍ مداه بعيد = يفك المبهمات برائي ياخذ له ويعطيبه
فهد هو فزعة المظلوم للمضيوم مثل الحيد = بضفه يمن الخايف وراع الحق يدعيبه
حكيمٍ بالمواقف لا عطى رايه له التأييد = ثبت يوم الكويت بعزوته قامت تناديبه
تنهض واعتزا بالعزوة اللي هزت أهل الكيد = شعوب الأرض تشهد له وترسل له مناديبه
وقال الحق واضح والمواقف ما بها تمديد = على صدرم سوى الرحب محكمة لواليبه
تبشر يا الكويت بشعبك اللي بالثلاثاء عيد = عقب وقفة فهد شعبك تباشر في معازيبه
ولي العهد عبد الله وفعله بالفعول يزيد = على ناس ٍ تبي مثله ولا تقضب مقاضيبه
أقول يوم انا من لابت ٍ يصغي لها العنيد = أبيوم تشهر العزوة ويفخر به مثاريبه
مطيري والمطيري ما يعرف الغدر والتسريد = على وضح النقا يافي ويستافي مطاليبه
[/poem]
رد مع اقتباس
