من روائع الشاعر المعروف نجر بن فيصل العصيمي العتيبي هذه القصيدة الفكاهية
في وصف الهجن التي تم الاستغناء عنها في التنقل والترحال بعد استعمال السيارات الحديثة
نحمد الله وارد الستين عانه= واردٍ قبل الحديد يوردونه
ما يعبأ من شراب القيزخانه= و لا وقف وسط الكراج يوضبونه
المكينة مطرقٍ من خيزرانه= كاملٍ بالوصف والشمعة عيونه
والجما الكبوت والبوري لسانه =و المساعد يا ولد حربة سنونه
والأديتر صرته مضرب ابطانه =ديتره يا أبو سهل ما يلحمونه
وان ركب راعيه ما مله مكانه =وان طرش صوب البلدما يجرونه
وان عطى جو الخلا زين هذبانه= وان تعرض رملةٍ ما يسعفونه
نمرته وسمه على خده بيانه =وان و طاله مركزٍ ما يسألونه
وارد الرحمن يا زين سهيانه= يعجب اللي فوق وسقه يركبونه
خالقه ربه وخالقنا إوزانه =ما يورد من بعيد ٍ يصنعونه
مير شان الوقت وأقفى به زمانه= وإنقطع شقران ياللي ترغبونه
وتم قولي بذكر ربٍ عز شانه =ذكر ربٍ كل الأمة يشكرونه
الشاعر نجر بن فيصل العصيمي العتيبي
________________________________________
رد مع اقتباس
المشاركة الأصلية كتبت بواسطة cub of al_hamadeen
