[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="solid,4,black" type=1 line=0 align=center use=ex num="0,black""]
الايا وجودي وجد من تاه بالمضماه= حداه الظماء والجوع مع درب حوالي
رمتبه ذلوله وانعثر والمقدر جاه= بحامي سموم القيض وسط الخلا الخالي
على اللي نطحني تو سبحان من سواه= لاحظني وجاني منه خفه وهرفالي
حسين الوصايف يوم جاني يحسب خطاه= لكن القمر في لبته يشعل اشعالي
على غايت المطلوب يجرح حلو محلاه= كماالدره اللي في ملايين الاموالي
بشكي عليه الحال وبا اخبره ونخاه= على الصاحب اللي بالموده براحالي
بعد ماملك روحي عسا لايمي يفداه= تركني غريق الهم ببحور الاهوالي
اليا من تصورلي قبا له على طرياه= اساهر انجوم الليل للمذن التالي
نهار الالتقينا كل رجماً طويل ارقاه= اجاوب حمام الورق بالمرقب العالي
وداعة ولي العرش سافربامان الله= عسا الله يردك للبلد ياهوابالي
الاياربيع القلب يا غايته ومناه= ترفق بحالي يابعد كل الازوالي
جرحت الضمير وجض قلبي من اللي جاه= من الهاجس اللي داخل الجاش يجتالي
عسى من حداني عنك يحدا على قصياه= يشيله على الصدام غافل ومتكالي
على سرعته شافه والاكن وصل ممداه= والا وقف الاغادين جسمه الجزالي
جزن للحسود اللي جبرني على فرقاه= تسبب بعده يوم قربه تهيالي
بشكي على طير السعد عز من ينصاه=ابو جابر اللي بالقسا يرخص الغالي
اليامن نطحته ضامر البطن مايلقاه= وليامن قفيته قلت شكوائي للوالي
حسين الوصايف ماطلع بالبني حلياه= ولاظنتي كد صار في ماض الاجيالي
عليه الله اكبر يوم قابل وقمت ارعاه= وصوفً جميله بالحسن ماله امثالي
وانا ماذبحني كود يوم الجواب اخفاه= يحاول يعذبني وهو دالهن سالي[/poem][/poem]
رد مع اقتباس
المشاركة الأصلية كتبت بواسطة cub of al_hamadeen
