[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
صوتها اللي في خفوقي له عمايل = غير ضحكتها على رعشة هدبها
والشعر لا من تمايل بالجدايل = كنها تطرب وترقص من طربها
والعيون الناعسه والرمش مايل= شربت من الليل والا هو شربها
والعسل يقطر من خدود خمايل = اتعبت مفتونها ما احلا تعبها
والشفايف والحلا منها يتسايل = واكبر حظ اللي من حظه كسبها
والبرد في مبسم ماله مثايل= والنحر من فتنته زين ذهبها
كلها هيبه ومنظرها هوايل = والله اللي هيبة المنظر وهبها
اجرحت روحي وراحت بالتخايل =ليتها ترجع او ادري من عربها
انجرح كلي وحاولت التحايل= بالجروح اللي بروحي من سببها
كنها حلم بعيوني واتخايل = في منامي زولها ياحظ جبها [/poem]
رد مع اقتباس
