الجــــــــــــــــــــــرح
--------------------------------------------------------------------------------
اللي بقالي مع الايام..... وفيته
والضيق لو ينهمر تشربه ودياني
ماهي كبيرة علي والحزن غنيته
ولاهي غريبة .. اذاحظي تحداني
الخوف .. يامن نبشت القلب وادميته
لاعشت زهرة شبابك وانت وحداني
كم جرح؟ خذته من الاحباب ضميته
وجروح قلبي .. زكاة الحب خلاني
مطعون عادي جفا الاقراب داويته
تعبان مبطي ردى هالحظ خاواني
صدمة بسيطة هوان الحال مريته
مقرود ادري واذا حرمان عداني
مافاح هما لك الله ماتقهويته
مامر حزنن بغيري ماتبلاني
ياما.. وياما من الخذلان عديته
الا بصاحب بعد عشرة تناساني
ازريت لانسى غيابه لين ناديته
والموت لامن تجاهلني وجافاني
وينه يجيني وكل عتاب.. كنيته
ياليت يدري بعد فرقاه وش جاني
من كنت طفل وانا ارجاه في بيته
شيبت واثره على هالحال خلاني
حتى جناح العتب لرضاه .. ذليته
ماطرت بعده فرح من ذل جنحاني
ياقلب صبرك ترى كل شي سويته
ماكان افضل من اللي كان بامكاني
لوبي قوة على الهجران.. خليته
لوبي ذرة من النكران.. يفداني
الجرح ارحم .. اذايرجع من اغليته
مجروح فدوة ولكن صعب وحداني
منقوووووووووووووووول :
__________________
رد مع اقتباس
