قصيدة شاعرنا التي القاها في المسابقه ..
[poem=font="Simplified Arabic,5,black,bold,normal" bkcolor="transparent" bkimage="backgrounds/4.gif" border="double,4,gray" type=1 line=0 align=center use=ex num="0,black""]
أرزمت عوج الضلوع وهمها يزدادي = مثل ماترزم خلوج(ن)كبدها منقده
تقتلب وسط المراح وتنخل الأذوادي = يوم راعيها عقب قدت ولدها رده
نوخي يركاب فكري عند بيت فؤادي = واسثيري خافي المكنون يبدي سده
انثري عطر الورود وريح عود الكادي = وأستمدي فن احاسيسي بجزل المده
دام لي فكر يعوق الصيد ما ينصادي = مثل حر لاتنهض يعجب اللي هده
لاتعلى فوق شرد هاربات امفادي = ماتروح الجزله اللي بالمخالب شده
الشعر نسج الخيال وفن كل سدادي = ياخذ المفهوم من زين المعاني قده
وارد عد غزيز مع العرب والرادي = مستعين بالمعن ومحتسي لي عدة
الحدث ماهو مرور كرام والاعادي = اختبار وغلطة الشاطر تسجل ضده
جادل كل يبيها والقوي البادي = ترخص الأموال لعيون الهنوف وخده
والرجل يحتاج للطرقه وشراب وزادي =والتعب يضعف جمال الشيل عقب الكده
المسافه كايده والمجد راس المادي = منهو اللي للمعالي هقوته ممتده
وفزعتي مجد الفخر من عصر بن شدادي = سعد من حمر النواظر محزمه بالشده
هقوتي بمطير ذخري عزوتي وسنادي = والله إني لازهم الأقصين قبل البده
الحميه والفعول إليا اختفى الهربادي = عند من طيب المواقف فعل أبوه وجده [/poem]
شاعر العرب :- عبيد بن علي الحميداني 
رد مع اقتباس
