السلام عليكم ورحمة الله وبركاته
هذه القصيده للشاعر الكبير / فلاح بن مبرد
في الشيخ / متعب بن عوض المقهوي
أمير قبيلة ذوي سعدون
[poem=font="simplified arabic,4,white,normal,normal" bkcolor="transparent" bkimage="backgrounds/38.gif" border="solid,4,gray" type=0 line=0 align=center use=ex num="0,black""]
قالوا وردت وقلت لا بالله إلا=وردت لي عد(ن) قراح(ن) زلاله
عد الرها صملان ورده تملا=يدل وراده بليا دلاله
يا ناشد(ن) بكره بعينك تحلا=اخذ العلوم وللسوالف كماله
سيرت يم اللي إليا ضيف هلا=قبل القرا طيبة نباه وقباله
وجه(ن) بشوش وجانب(ن) ما يملا=للمرجله فيه اندفاع وجزاله
عالي شرف متبين(ن) ما يحلا=يذريك عن هيفية القيض جاله
بالطيب في عسر المواقف تعلا=يرخص بغالي الطيب غالي حلاله
حر(ن) إليا ضف الجناح وتدلا=يعجبك ضربة مخلبه للجلاله
طير السعد فيه المراجل تجلا=طيب الجدود وطيب أبوه وخواله
جيته يدير الذود والذود فلا=ورحب وقلطني ونادى عياله
وراحوا وجابوا له مراكي وزلا=وشبوا ودنوا للمقهوي دلاله
اسم(ن) على فعل(ن) قديم(ن) متلا=مع طيب راسه طيب ساس السلاله
جر السوالف وانشرح واسفهلا=الطيب من راسه يورد مجاله
له مجلس(ن) فيه النشاما تسلا=شيخ(ن) نباه علاج من ضاق باله
متعب محب الطيب فيه استدلا=زبن الرفيق اللي نصاه وعناله
ما هو من اللي قال قول(ن) وزلا=نوخ هديب الشام والحمل شاله[/poem]
رد مع اقتباس
