[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مع شرد الغيم جيت مروحٍ بدري = كني على بساط بس أعدل عقالي
قطعت طول المسافه كلها مدري = مدري معي ناس وإلا جيت بلحالي
من فكري اللي يدور وبالفضاء يسري = يسرن فيه الهجوس بزين الامثالي
أمثال منهن نبيع وغيرهن نشري = ما نأخذ إلا من الزينات وجزالي
يجرن الأيام فينا والزمن يجري = دنيا على سرعها تلبسنا الأسمالي
يالله ياللي وضعت اليسر والعسري = يسر لنا رضاك وأنت المعتلي العالي
تعصم عبادك عن الزلات والأزري = ياللي فلقت البحر وأغرقت بهتالي
وأنجيت يونس ببطن الحوت من حدري = وأنبت له شجرة اليقطين وظلالي
تلطف لعبدك ومني تقبل العذري = يوم إني ألقاك تعلم دق وجلالي
يوم إني ألقاك مالي صاحب يذري = كود انت مولاي مالي غيركم والي
ماعاد لي كود ربي عاريٍ مزري = سامع دبيب الدجا علام الأحوالي
أما نعيم وتفتح صفحة القبري = وإلا يضيق الفضاء ويشوف الأهوالي[/poem]
الشاعر الكبير محمد بن ضيف الله بن رويل
أسأل الله العلي القدير بمنه وعطفه ورحمته ان يلبسه ثوب الصحه والعافيه وان يعيده لأرضه وأهله سالما غانما معافا ,اللهم اشفه انت الشافي لا شفاء إلا شفاءك شفاءا لا يغادر سقما
رد مع اقتباس
