ياتعلن البعـد والا انّـك تضبّطنـي
[glow=666666][glow1=999999][align=center]أخوووتي الكرام أحببت أن أنقل لكم هذه الرائعه ...
التي حازت على إعجابي الشديد بها ...
أتمنى أن تحوووز على إعجابكم وترتقي لأذواقكم ...[/align][/glow1][/glow]
[poem=font="Simplified Arabic,5,black,bold,normal" bkcolor="transparent" bkimage="backgrounds/40.gif" border="double,8,gray" type=1 line=1 align=center use=ex num="0,black"]
اقول حبك تعـب وتقـول: وش حـدّك؟=واردّ واقــول لــك : حـبّـك مربّـطـنـي
لــولاه ماجـيـت لــك يالعـنـبـو جــدّك=دايـــم ردودك وكلـمـاتـك تحبّـطـنـي
كانك تقـول الكـلام اعـلاه مـن جِـدك=مااحد ٍ علـى حالتـي ويـاك يغبطنـي
اعطـيـك ولااتـحـرّى بالـعـطـا مـــدك=ومن عرفتي فيك ماقد قلت لك عطني
اهديـك قلبـي ربـا والقـلـب مـاسـدك=وشلون ابا ارضيـك مدامـك تغالطنـي
احاول اكسـب رضـاك ولااخسـر ودك=واسفط لـك الخيـر واشوفـك تورطنـي
ببعـادك وهـجـرك وبفـراقـك وصــدك=ماكـن بينـي وبيـنـك شــي يربطـنـي
ابسطـك وابغـى هنـاك ولاانتظـر ردك=وابسـط لـك يـدي مافكـرت تبسطنـي
لعبـت بـي بيـن جـزر وصالـك ومــدّك=لاانـت اللـذي قـلـت:روح ولاتقلّطـنـي
اليا متى وانـت تخطـي والسنـع نـدّك=تطوفـنـي بـيـن هفـواتـك وتلقـطـنـي
ولاجـيـت اجـادلـك واواجـهــك واردك=مدري وش اللـي لياشفتـك يلخبطنـي
اجـي وكــل الـكـلام بداخـلـي ضــدك=واروح ماقـلـت وعيـونـك تحاوطـنـي
لـكــن اذا طـوّلــت بـــروح واهــــدّك=اليـا زعلـت انتـبـه لــي لاتبَاسطـنـي
انساك وارتاح من جورك ومـن كـدك=واشخطك من لستة الغالين واشخطني
انـا رجــل والـرجـل يغلـيـك ويــوّدك=وسهـم مـزاجـك يعلّيـنـي ويسقطـنـي
مانـيـب سلـسـال والا سـاعـه بـيــدّك=ولانيـب ثـوب ٍ علـى كيفـك تخيطّـنـي
كان الغلا والهـوى والشـوق ماشـدّك=لاتصدّق ان كـان يقـدر حـبّ يربطنـي
اختـار بالحالتـيـن الـلـي عـلـى ودّك=ياتعـلـن البـعـد والا انّــك تضبّـطـنـي[/poem]
[glow=666666][glow1=999999][align=center]الــــشــاعــر // ســــلــطــان أبن بــــتـــــلاء[/align][/glow1][/glow]
رد مع اقتباس
ياتعلن البعـد والا انّـك تضبّطنـي
المشاركة الأصلية كتبت بواسطة إدارة المنـتدى
رد: &&& ضــــبـــطـــنـــي &&
