خالد : محمد .. وشـ أبشركـ ؟! , نسبتي 99%.!
محمد : إهب يا وجهكـ, أنا 90 ويالله جبتها
خالد : إذكر ربكـ ياشيخ
سعاد : يا زين شعرك يا لمى , طويل وناعم و يلمع
لمى : قولي ماشا الله يا أختي
سعاد : وليه أقول ؟ شايفه شعور أحلى منه ما وقفت على شعرك
لمى : ما يخالف يا أختي أٍذكري الله
سعاد : يوووه خلاص خلاص ! , ماشا الله لا تصيحين علينا
يارا : يالله سارهـ أنا طالعه
سارهـ : يا حظكـ بتطلعين اليوم , إيييه ويكـ أٍند الناس تطلع وتستانس وأنا خايسه في البيت
يارا : قوللللللللللي ماشاء اللللللللللله اللحين يجينا شي في السيارهـ .!
سارهـ :
يارا : بسرعه قولي قولي .. تف تف خمسه وخميسه بسم الله علي الله يحفظني
سارهـ : خلاص طيب ماشاء الله أكلتيني
العين .. مافيها إختلاف إنها حق , وشي حاصل
سواًء كان من إنس أو جن-بٍسمٍ اللهْ- , أو حتى من الشخص نفسه لا تستغربون !
بداية وش تعريف العين :
نظر بـٍ استحسان، مشوب بحسد، من خبيث الطبع، يحصل للمنظور منه ضرر
والأدله على وجودها :
قولة تعالى : ( وَمٍنْ شَرِ حَاسِدٍ إِذَا حَسَدْ )
قوله صلى الله عليه وسلم :
( العين حق، ولو كان شيء سابق القدر سبقته العين، وإذا اسْتُغسِلتم فاغسلوا )
وهي تكون مرات :
1- إرادية , اللي يجيكـ قاصدها و " إهببببببببببببب "
2- لا إرادية , وهذا اللي صدق ينرحم
معروف دائماً إن كل عائن حاسد , لكن مو بـٍ الشرط إن كل حاسد عائن
ويآما ويآما طلعنا كلام وخرافات مالها أول ولا آخر
والناس تجاهـ العين ينقسمون مابين :
- يصدق فيها , لكنها ما تهمه أبداً ولا يجعلها سبب لأي شي
- يصدق فيها بـٍ أٍعتدال , وإن أطراهـ أحد ذكرهـ بـٍ " ماشاء الله " وإكتفى
- يصدق فيها و " بقوة " , ويجعلها سبب لكل ضرر يحصل له , لو تجيه انفلونزا قال عين .! ,
وهـً النوع ينشب لكل مين يمدحه " اذكر الله , اذكر الله "
وكل شي طبعاً بأمر الله , وحتى العين بـً أمرهـْ سبحانه ..
قال تعالى : ( قُلْ لَنْ يُصِيَبنَا إلاَ مَا كَتَبَ الله لنَا هُوَ مَوْلاَنَا وَعَلَى الله فَلْيَتَوَكَلِ المُؤمِنُونْ )
وقال صلى الله عليه وسلم :
( وأعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك ،
ولو اجتمعوا على أن أن يضروك بشيء لم يضروك إلا بشيء قد كتبه الله عليك،
رُفعت الأقلام وجفت الصحف )
يعني الواحد ما عليه أٍلا إنه يقرأ وردهـ كل صباح / مساء ,
ويتوكل على الله كل لما يطلع من البيت
وماعليه الا العافية بإذن الله ,
هذا ما يمنع إنه يذكر اللي حوله بـٍ ذكر الله
في المدارس وًالكلٍيًآتْ , دائٍماً يمررون علينا قارورة ويطلبوننا نقرأ فيها
ويآما صارت .!
يتحمس الكل يعرف وشـ فيها البنت , ومنْ هي , و و و .!
وممكن الواحد فيهم يحمد الله على إنه شين والا نسبته شينه والا شعرهـْ كدش عشان محد ينظلهخخخ
في مرحلة المتوسط , مرضت بنت من البنات .. فجأهـ سبحان الله
ترقدت في المستشفى , والعهدهـ على الراوي
طلبت من أمها مويه , راحت أمها تجيب لها مويه
رجعت لقتها متوفيه .! ,
البنت كانت من المتفوقات في ذاكـ الوقت ومن الخلوقات جداً
والمتوقع طبعاً .... : عين .!
في مرحلة الجامعة , وعلى بداية التسجيل .. سجلت , وأٍنقبلت طب
والكل فرح لها , وبـٍ أسبوع , اأٍنتشر السرطان في جسمها .. وماتت - الله يرحمها -
والمتوقع .. برضو عين .!
وكثيييير قصص ومواقف عن العين , الله يكفينا شرها
*.. دًعوًتٍيْ للنٍقًآشْ هٍيً .!
*.. هل أنتم من النوع اللي يتجاهلها تماماً / يصدق فيها بـٍ اعتدال / موسوس عين ؟
*.. قد حصلت لكم / للي حواليكم " بسم الله عليكم وعلى اللي حوليكم " قصص عن العين ؟
*.. كيف تتصرفـ/ـين مع اللي موسوس عين , لو حصل ونشب لكم " اذكروا الله "
على الطالعه والنازله ؟
*.. كيف تحصنون نفسكم من العين ؟ أورادكم ؟
*.. اذكروا الله علي وعلى موضوعي تكفوووووووووووووووووون <<
وُدٍيْ وًعٍطـــرً وًرْدٍيْ
رد مع اقتباس
المشاركة الأصلية كتبت بواسطة ماجدالماجد
.. الله لآيورييه لآحد ..
