قصيدة عن الدش وما ينتج عنه من اضرار للاسرة
--------------------------------------------------------------------------------
قصيدة عن الدش وما ينتج عنه من أضرار للإسرة .....!!!
--------------------------------------------------------------------------------
عثا فينا جهاز الدش بث وعرض واستقبال ** محـا قيـن الـردا لأبـارك الله فـي محاقنهـا
2.بدا عصر الفتن يطلع عسا لله يصلح الأحـوال ** ولا نقـدر نقـول إلا عسـا ربـي يزينهـا
3.طلع جيلن يشيب بالرضيع ويذهل العقال ** بعض ناسن ذكرهـا المصطفـئ شفنـا عواينهـا
4.لقينا الكاسيات العاريات الوصـف والأهـوال ** عليهـا لبـس لكـن لبـس يبـرز مفاتنهـا
5.تميل عن الطريق المستقيم ومن تبعها مال ** خبيثـت شكـل ظاهرهـا يمثـل خبـث باطنهـا
6.ترحله بليسن وانجلا عنها الحيا وأنجـال ** ولـو قامـت تلملـم مـن يصدقهـا ويـا منهـا
7.تستر لين تدخل رأسها في المشغل الشغال ** وعلى الشغال فـي المشغـل مذارعهـا تبينهـا
8.غدت ماعاد تجفل من عيال الهند والبنقـال ** تغنـج لـه أليـن يهـز رأسـه ثـم يدينهـا
9.على ذا الحال يمكن تفتن الصاحي مـع البطـال ** مـدام أنهـا تغنـج لـه وكلمتهـا تلينهـا
10.تجرد عن لباس عن المسلمين وتلبس البنطال ** مع قل الحلاا تلبـس لهـا لبسـن يشينهـا
11.يقولون الرجال أن الفرس في عصمة الخيال ** وراء الخايب يخلي الخايبه تبـرز محاسنهـا
12.ولا يدب ولا ينصح ولا ينظر لها فـي حـال ** يعاملهـا بهيمـة بـس ماباقـي الايسمنهـا
13.وبعضهم لو يبي يدب وينصح زوجته محتال ** ولا ينكر عليه شـي وان زعلـت يساكنهـا
14.خذت منه ألقوامه وأصبح الحرمة وهي رجال ** تخلي الثوب نصف الساق وثيابـه يطمنهـا
15.وإلا جاء الليل كلن راح له سايـق ولـه جـوال ** إن جـت ماتلقـاه وان جـاء مايعينهـا
16.تحدد نسلها تبغئ الرشاقة ماتريد عيـال ** مـع عـدوان ديـن الحـق معلنتـن تضامنهـا
17.وضيفتها عساه البعد بين الناس قيل وقـال ** تجيـب الهـرج وتوديـه والفتنـه تكونهـا
18.ولأعمم لان الخير في بعض البشر لازال ** وكم مصيونتـن فـي بيتهـا والـرب صاينهـا
19.ولايمكن يضحي بالشرف والدين بنت رجال ** لان الطيبـة يحمـي شرفهـا طيـب معدنهـا
20.عطاها الرب عقل ودين مافيها جهـل وخبـال ** نتيجـة قـوة التيـار ماتخلـف توازنهـا
21.على زلت بعلها لو يكررها وسيعـة بـال ** تحلـت بالمحاسـن والعلـوم القشـر تدفنهـا
22.له في مهجته منزل ولـه فـي قلبهـا منـزال ** تبادلـه الغـلا ماهـي بخاينتـه وخاينهـا
23.ولاننسئ شبابن ابتلن به طيبات الفال ** تبـي العفـة وستـر الحـال والـد اشـر يجننهـا
24.مريض ناقصن عقله خبيث وتشعفـه الازوال ** منحيـه مـن ردا حظـه وخبثـه يحيينهـا
25.نهاره نوم وان جاء الليل يسهر في رداء وخبال ** وليا جاء الفجر جاك يسحب رجوله مطينها
26.من أثار المخدر كن في جوفه مرض سلال ** مـن التدخيـن كـن شفـاه بالنيلـة يلونهـا
27.ومنهم من تميز بالنعومة والضفور طوال ** وذيك القذله اللـي مـن دهـون أختـه يدهنهـا
28.تحلا بالانوثه مابقئ إلا يلبس الخلخال ** يشـوف أختـه تجمـل للعريـس وغايـرن منهـا
29.إلى هرج بالمجتمـع جـات الهـر وج هـزال ** يـدور للرخامـة والمراجـل مايواطنهـا
30.يطابق هاالاذان ويطرب الداشر مع الموال ** قضى ليله مع الشلـة وبنـت النـاس هاينهـا
31.ولأعمم لان الخير في بعض البشر لازال ** ترى الدنيا من أهل الطيـب ماخليـت مخازنهـا
32.رجالن تلتزم نهج الرسول وللحمـول جمـال ** ولا يخـرج حداهـم كلمتـه يكـود وازنهـا
33.ولا ننسئ قضية من مسكها لأجل حب المال ** لأجل المال وصلت بنتـه الخمسيـن راهنهـا
34.يبيع ويشتري فيها كما السلعة مع الدلال ** يبي ينظر من اللـي يدفـع أكثـر مـن زباينهـا
35.ترى هذا ومثله بالمجالس عده الفنجال ** جزا اللـي علـى شـان الطمـع بنتـه يخزنهـا
36.إلى جوه رجالن طيبين الدين والأفعال ** يحولهـم علـى أم الحـوش والـد اشـر ملقنهـا
37.تقول ابغئ المهر ذلحين نقد ريال فوق ريال ** تبي فوق آلميه مـن غيـر حاجاتـن تامنهـا
38.تحده لين يبقئ رأسـه مالـه غترتـن وعقـال ** تحـده للدداسـن بالمعـارض ويتدينهـا
39.الاوشيب راسي شاخت النسـوان والاانـذال ** ولا يعتـز جيـل شيـخ الحرمـة ومكنهـا
40.ترى ماني بلا شامت مارا بين واضرب الأمثال ** لعل أهل العقول ألطيبـه تـردع مجننهـا
41.ابحاول علاج امرض عصر الدش والااهول ** وناسن ماتبي تسمـع كلامـي ماعلـي منهـا
42.يقوله واحد يخطي مع التفريط ولاهمال ** ولكـن فـي رجـاء الرحمـن لصعبـت يهونهـا
43.الئ منا هوينا بالمقابـر والحمـول ثقـال ** وبدينـا فـي حيـاة الآخـرة وأول مساكنهـا
44.وجاء يومن عبوس قمطرير يشيب الأهوال ** نهارن فيـه نـاس يفرحـه ونـاس يحزنهـا
45.ورود الناس شي ثابت ماعليـه إشكـال ** ولكـن النجـاة اللـي تـرى ماحـدن بظامنهـا
46.تسمع ياوسيع العرف لاتجهل مع الجهـال ** أبعـرض النصيحـة وأنـت ياجعلـك تثمنهـا
47.تخيل يوم ينقطع النفس وتضيع الآمال ** ونفسك عـن هجـوم المـوت ماتقـدر تحصنهـا
48.ولا ينفع ولدك ولا ولد عمك ولابن الخال ** مسـا جـاب المكفـن عـن جثمانـك يكفنهـا
49.ألا يالله ياللـي بيـدك الأرزاق والااجـال ** ولا للنـاس غيـرك رب يرحمهـا ويمنـهـا
50.تجاوز عن خطانا إلى من عرضت الأعمال ** نهارن فيـه نفـس العبـد مايجـدي تغابنهـا
51.عراة ما علينا لبس وحفاة بدون نعـال ** نهـار ن يجمـع فيـه ظالـم ألامـه ومحسنهـا
قصيدة الشاعر/ راجح العجمي
رد مع اقتباس
المشاركة الأصلية كتبت بواسطة الـــمـــلـــكـــي
