ابو فهد خخخخخخخخخخخ هلا وغلا يالذيب ..
هلاااااااااااااا والبقااااااااااا يالغالي اورنس ابرك والله الساعه اشرايك اتغير رايك واسالتك ودق علي بالتلفون ههههههههههههههههههههههه
يالله توكلنا علي الله..
اجل جلست استجواب مو كرسي خخخخخخخخ الله يعينك يالغالي ..
يالله اهااا اسئل
قبل لا راح اسوي لك قصف بالاسئله ..
تقهوو وعدل مزاجك مع اورنس لان مع اورنس خليك بالجوووو ..
لا عشت قاطعها هههههههههههههههه
وش رايك بشبت الناار والقهوه والجووو اكيد داخل مزاجك الحين يابو فهد خخخخخخ
الله يشغلك يا اوورنس انا ابلياك طاير وانطر اسهيل :(
>> للمعلوميه جلست الاستجواب او الكرسي مع الضيف الاخ المشرف عبدالله الجرمان
راح تكون لهاا رابط خاص بالقوقل لمن اراد المتابعه .. تراها مني يا بو فهد لاتزعل خخخخخ صدى اعلامي فيك بس.خخخخخخ
ههههههههههههههههههههه تمون يجدي اورنس انت لو تبي عيوني حااااضر يالله نبدا
رووق وراح اسئلك .
-..عُبٍدَالٌلُه آلُجَاٍرلله..
اسعد الله اوقاتك بكل خير
الكرسي بك تزين
..والاعتراف آمام //
صراحتك اعتراهاا الصمت !!
فلتكن بين ايدي من احبوكـ
قريبن منك آملين بك الصدق
.. ..
آبدا بسمهٍ تعالى ....
من يكون عبدالله الجرلله ومآذا يتمنى ان يكوون .
انسان عادي جدا واجتماعي حيل واحب الخير للجميع واتمنا ان اكون مرضي الله ومرضي من حولي .
الانسجام مع الاخرين يتطلب مرونه معقوله - روح ودوده - ورغبه جاده
باختصار هل انت اجتماعي .. ام لك جووك الخاص فالانعزال ..
لا بالعكس اجتماعي حيل واحب الجمعه ولا لي جو خاص دون احد ..
- صفه مو حلوه فيك ؟؟
العصبيه وسريع النرفزه
- صفه تتمناه فيك ؟؟--
ان اكـون شاعر
- هدفك في الحياة ؟!
العباده للله ومرضي الله ومرضي والدي والعيش بين ابنائي
-هوايتك؟!
المقناص
- لمن تحزن! تفرح !؟
الناس المقربين لي لان حزنهم من حزني وفرحهم من فرحي فا هم اهلي واصدقائي المقربين
- حكمتك بالحياة ؟!
لا تجادل الأحمق .. فقد يخطئ الناس في التفريق بينكما .
- أي قسم في المنتدى تفضل زيارته اول عند تسجيل دخولك ؟!
قسمي طبعا مجلس الاعضاء
-أوسمه أطلب منك توزيعها :
القلم الذهبي
شيخنا ابوعبدالله
البوح المميز
اورنس
التواجد المستمر
مديرنا القدير ابونادر
حسن الأخلاق
ابوعزوي
المرح وخفة الدم
ابوعجايب
الرد المتميز
سلطان زمانه
---) برآيك ماهو سبب تقدم المنتدى ؟!
التواجد الكثير وكثر المواضيع والردوو وهمة الشباب
---) لو طلب منك تغيير أسم المنتدى ماذا تسمينه ؟!
مافكرة بالشي هاذا ولا يصلح تغيره بتاتا لان منتدا قبلي
** عندمآ تشعر بالتعب والآرهاق ,,مآهي الاشياء اللي تفعلها لأجل إبعاد هذهـِ الاشياء ..؟؟
الاتجاه الي الله والصلاه ركعتين والاسترخاااااااااااء
- وجه كل سطر للعضو المناسب..؟؟!
انت غامض
صادق الود
صعب نرضيك
شقران
ودي اعرف عنك شي
برق الوسم
من وين جبت هالابدااااااع
عزيز النفس
يعجبني اسلوبك
اورنس
حبوب المنتدى
ماجــــــــــد
اتمنى اسلوبك يتحسن
لامبــــــــــــارد
راجع نفسك تراك غلطان
ابوحــور
* ما تعني لك هذه الكلمات..؟؟!
الصدق
شعاري بالحياه الذي تعلمته من تربيتي
النفاق
صفه لا احترمها في البعض
الكبرياء
لا الله ولا خلقه فا لا تعليق
الفقر
عسا الله ان يبعدنا عنه
المغامرة
هوايتي
الحب
هوا شمعة الحياه ومطلوب فيها واكيدفا الانسان من غير الحب عديم احساس فا انا اقول ان الحب عنصر في داخلي ..
--- نغير المود يابو فهد احس اني ثقلت عليك الاسئله هع
لا تو الناس توك تصحه اي كمل اسلم ؟
-وش سيارتك ؟؟؟
جيب سفاري بترول موديل 2003
-وين تتمشى اذا صرت فاضي ؟؟؟
بالدواوين واسير علي الموحبين
-موقف طريف حصلك ؟؟؟
اني كنت داخل السوق وزلقت من الدرج امام الناس ويوم عدلت نفسي جاني طفل يضحك فوق راسي وههجيت برا السوق هههههه
-افضل المناطق التي زرتها ؟؟
دول الشام كافه فا فيها المناضر الطبيعيه والاجواء البارده
-من من الاعضاء الي تتمنا تشوفه
منابع الطيب
-هوايتك ؟؟؟
المقناص
-مين اللي اذا تشوفه بالمنتدى تستانس ؟؟
والله كثير يا اورنس ولا ودي اذكر الجميع يفرحوني لما نكون متواجدين ومجتمعين في منتدا الجميع
وان رايت الكل متواجد هاذاي هيا فرحتي..
تو النااس يابوفهد للحين ماخلصت بالاسئله خخخخخخخخ
الله يشغلك انت منين جيتني ههههههههههه يالله صبلي فنجال راسي قام يعورني
رووق نفسك مع الفنجال الثاني .
تقهوو ياولد
ههههههههههههههههه هاات يحلو الفنجال من ايدك
-- مارائيك بالشعر يابوفهد ..
الشعر حلو وقد سبق قلت اتمنا لو اكون شاعر فهوا شي جميل وشهادتي مطعونه في ..
الشعر هو شي
-- أجمل بيت شعر في نظرك ؟
والله ياورنس ابيات كثيرا ولا يحضرني شي منها الان الي هاذا البيت ودايم اردده وهوا يتعلق بالمقناص والصيد وهوا لشاعر حمد السعيد
قمرا شهر عشرا وبراق قبلي && لشفتها مالي معا الناس مقعاد
ياكثر ماقلولي الناس مبلي && وراعي الولع ماهو عن الناس نشاد
-- قيل ان الشعر يولد ولا يعلم.... انت وش رايك بهالمقوله.
نعم مقوله ميه ميه وهاذا الصحييح ان الشعر يولد في وقته وفيه الحدث الي سيولد به الشعر ولا يعلم
-- مارائيك بشاعر العرب الشاعرالكبير :- عبيد بن علي الحميداني
اورنس والله لو اكتب ما اكتب شهادتي مجروحه في ابومحمد ولكن الي اقوله انا يعجبني في نطقه وهوا يالقي القصيده وارد واقوول شهادتي فيه مجروحه..
------------------------
- منوو اقرب إنسآن لك ؟؟ اقصد تحس انه يقراء افكارك ويفهمك؟؟؟؟
اورنس الله لايحرمني منه
-الألوان لغة هالحياة .. شو لونك المفضل و ليش ؟؟
اللون الاحمر واحس فيه الخشونه :)
آسف ، هل تجد صعوبة في نطقها ، أو حتى قبولها ؟؟؟
حيل يا اورنس وكلمة اسف ماتنقال حق اي شخص ولما الفض كلمة اسف احسب لها الف حساب..
- أيهم تفضل وَ لـِمـــاذا :
البحر ، الهدوء ، الطفل ، الشروق ، الغروب
الطفل
- لمنّ تقـــــــول......كفى بأعلى صوتــــــــك؟؟
عديم الاحساس
-- الجانب الأخير :
خاص بآورنس
1) مارئيك في آورنس داخل المنتدى وبصراحه ؟!
شخصيا ثانيه مو ارنس الي اعرفه خارج المنتدا جد اشوي وصعب التعامل معاه ..
2) سلبيات آورنس بصرآحه تامه لعلي أصلحها ؟!
لا يعرف المجامله من اجل مصلحة المنتدا ..
3) لو طلب آورنس تغيير اليوزر ماذا تختار له ؟!
الصمت
4) كلمه أخيره آورنس ؟!
اقوله بيض الله وجهك يا اورنس وامتعتني في اللقاء الجميل والاسئله المليئه بالجمال
والله لا يحرمنا من بعض انشا الله
تحياتي لك يابوفهد وانشالله اني ماثقلت عليك ولي باك قريباا
لبد يا اورنس وربي امتعتني بجد وعسا الله لايحرمني منك ثاني مره وانا بانتضار قلمك الجميل
اخوك ومحبك ابوفهد
رد مع اقتباس
المشاركة الأصلية كتبت بواسطة ابونادر
