[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
قلبي تهيض عقب ما شافت العين =شافت ارجالٍ بينهم افتراقي
رجــلٍ كـريـمٍ قـابـل النـاس بالزيـن =ومن جا جنابه يذكرونه ارقاقي
رجــلٍ شـجـاعٍ مـرويٍ كـل حـديــن =ينطح وجيه القـوم بليـا متاقـي
ورجلٍ بخيلٍ هرجتـه كلـهـا شـيــن =تلقى هروجه بالمجالس اسباقي
ورجلٍ ابليسٍ هرجته بين زوجيـن =ويحط ما بين الولايـف اطقـاقـي
عساه يطعن له بخوصه ورمحيـن =ويصير فدوه للنشامـى حقـاقــي
ورجلٍ يفيد الناس بـالخـير والـديـن=ويامر وينهى عن جميع النفاقي
وترى العواني وان تنصوك عانين=قدم لهم ترحيب مـا بـه حـمـاقـي
وعطهم طلبهم لين يمشون راضين=وعيبٍ على اللي منه راحو اضياقي
وهذي تخص ارجال بالطيب ماشين =الطيبـيـن الـلـي عـلـيـهـم اشـفـاقـي
والجـار حقـه فـي القـوانيـن حقـيــن =مثل الـدخيـل ليـا دخـل مـا يـعـاقـي
والضيف محشوم وله هرج بـالليـن =ويصبح مشكر عـقب كيـفٍ يساقـي
وطيب النشامى في القساوات واللين =وعـاداتـهم ذبـح الـغـنـم للطـراقـي
وصلو على سيـد البشـر يـالمصليـن =شـفيـعنــا بـالحشــر يــوم التـلاقـي
عوض بن سالم بن منير السماري[/poem]
رد مع اقتباس
رد: وصف الرجال
