[poem=font="simplified arabic,4,black,normal,normal" bkcolor="orangered" bkimage="backgrounds/20.gif" border="groove,4,darkblue" type=1 line=0 align=center use=ex num="0,black""]
أدّب ولدك إن كان تبغيه يشفيك=
=لو تزعل أمه لا تخلّيه ياطـاك
أما سمج واستسمجك عند شانيك=
=ويفر من فعله صديقك وشرواك
وإلاَّ بعد جهله تراهو بياذيـك=
=لو صاحت أمه لا تخلّيه يالاك
احفظ دبشك اللي عن النـاس يغنيـك=
=اللي إليا بان الخلـل فيـك يرفـاك
وطالع ترى مكـة ولاهـا ابناخيـك=
=لو تطلبه خمسة ملاليم مـا أعطـاك
اجعل دروب المرجله كلها من معانيك=
=واحذر تمايل عن درجهـا بمرقـاك
هرج النميمة لا يجـي فـي فيـك=
=وإياك عرض الغافل إياي وإيـاك
تبدي حديث الناس وفيـه تشكيـك=
=وتهيم بين الناس بالكذب وشـراك
واعرف ترى منهو حكالك حكا فيك=
=وأصبحت مبغضنا وحنا كرهنـاك
الحر مثلك يستحي يصحب الديـك=
=وان صاحبه عاعا معاعات الأدياك
صديقك اللـي بالعطايـا يمانيـك=
=انصه بقضيا حاجةٍ قبل ينصـاك
أما تجي منـه العطايـا تباريـك=
=وإلاَّ تعـذر دون مالـك إلياجـاك
يا ذيب وإن جتك الغنم في مفاليـك=
=فاكمن إليـن إن الرعايـا تعـداك
من أولٍ يا ذيـب تفـرس بياديـك=
=واليوم جا ذيبٍ على الفرس عـداك
يا ذيب عاهدني وأعاهدك ما أرميك=
=ما أرميك أنا يا ذيب لو زان مرماك [/poem]
رد مع اقتباس
