(( حسافه يازمن ))

[غنام العرافه]

على الله يازمـن هجـره وصـده ماقويـت انسـاه = هذاك اللي ملك عقلـي وضيـع راحتـي هجـره
علـى الله يازمـن ماصـار فيـنـا والعـمـر مـأسـاه = اشوف الهـم نادانـي سمعـت ايـدق لـي نجـره
حسافـه يازمـن والله عشقتـه كنـت انـا اهــواه = اعيـش بوحدتـي ساهـي وقلبـن تخنقـه عبـره
سالت النفـس يانفسـي علامـه نـاوي ابفرقـاه = ابـد مايـوم انـا اصـدق يغيـب وينـهـي العـشـره
وسالت الدمع يوم انه رسم في وجنتي مجراه = دموع الحزن في عيني فضحني ماقـدر ستـره
وفكـرن يذكـر المـاضـي وخـلـن مانـسـا ذكــراه = ليامنـه ذكــر خـلـي مسـحـت الـدمـع بالغـتـره
الا يـاوقــت لاتـجــرح زمـانــه والـعـمــر يــفــداه = اخـاف انــه يـجـي نــادم دمـوعـه تنتـثـر حــدره
طلبـتـك يـازمـن تـرفـق علـيـه وتسـعـده دنـيـاه = هـذاك اللـي كسـر قلبـي غـلاه ومرتفـع قـدره
انـا مـن غـاب عـن عينـي اصونـه وانتظـر لقيـاه = عسا رب عقل يوسف يجيب اللي غـدى فكـره


_منــقـــول _

[ابونادر]

صح لسان الشاعر على القصيدة الجزله

وتسلم يمينك على النقل يابوحمدان

تقديري





..

[غنام العرافه]

الغالي أبو نادر

يسرني مرورك وطلتك لاعدمناك .

[صادق الود]

صح السان شاعرها وسلمت على النقل يابو حمدان ونبي من جديدك يابوحمدان لاهنتتتتتتتتتتتتتتتتتتتتتتتتتتتتتتتتتتتتتتتتت

[غنام العرافه]

صادق الود

مشكور على مرورك على مشاركتي ولاخلا ولا عدم يالغالي وأبشر غالي والطلب رخييييييييييص .

[الوااافي]

صح لسانك الشاعر على هذا القصيدة الجزلة

وتسلم يمينك ياغنام

تقبل مروري


-

[غنام العرافه]

هلا بالواافي

يشرفني مروري وياهلا وياغلا لا خلا ولا عدم .