[frame="7 80"]بسم الله الرحمن الرحيم
السلام عليكم ورحمة الله وبركاته
أهديكم هذه االمحاورة بين هامور و صنفرة الشعراء رشيد الزلامي وشاعر الوطن تركي 200
في مهرجان الغاط السنوي بمناسبة عيد الأضحى المبارك وبحضور محافظ الغاط الأمير / سعد السديري.
رشيد الزلامي :
إسمحوا لي على تركي خليفة مطير *** ودّي أمزح عليه بكل حشمـة وأدب
تركي الفين تالي الوقت وضعه خطير *** يالله إنك تفكّه من عيـون العـرب
تركي عطاء الله :
أنت مزحك مع الشعار مزح ٍ كثير *** مير صاحبك ماهمّه ولا أطلق شنب
فـيه للــشر شــر وفيه للخيـر خيـر *** إنتبه ياوسيع المعرفـه واحتسـب
رشيد الزلامي:
عدّل العوجه اللي في رقبة البعير *** ثمّ تعطى قلادة كلها مـن ذهـب
بالزمان القديم وبالزمان الأخــيـر *** قيل من قارب الجربا يجيه الجرب
تركي:
أنت رجل ٍ ذهين وبـــالسوالف خبيـر *** مير في تالي أيامك عليـك العتـب
إقضب إقضب حدودك لاتجي لي مغير*** قدمك النار وأنته من حساب الحطب
رشيد:
تسبح الباخرة فالبحر لو هو غزير *** والتّروكي ليا جرَّوا عليه انقلـب
لك مع العسر يسر وكل شي يصيـر *** ما أحسد اللحية اللي تستحق الشبب .
تركي:
أبشر إني على هوني وسيفي شطير *** وأذبح العقرب اللي سمّها فالذنـب
مــــير قــدّم حـبوبك والرحـا يستديـر *** مايفوت بجماد تحصله فـي رجـب
رشيد الزلامي:
لو نصدقك مالك فالمراجـل خشيـر *** مير بالعكس تبت يدك يابـو لهـب
صاحبك رجل شايب وانت توّك صغير *** خلها ترتفع جوختك فـوق الركـب
تركي عطاء الله :
كل طيرٍ ليا رفرف جناحـه يطيـر *** غير ذيك الطيور اللي تجي بالخشب
إقصر السالفة قدام علـم ٍ يصيـر *** لاتعرّض عيونك للشقـا والتعـب
رشيد الزلامي :
ما أقدر أكسر جناحك عند وجه الأمير*** طير ياطير وآخـر مرحلـة تنّكـب
روح ياتركي اسحب فوق دربك حظير*** مير لاتنتهي رحلتك وأنـت السبـب
.
.
إنتهى ..
تحياتي واشواقي للجمييييييييييييييع ,.
[/frame]
رد مع اقتباس
