[poem=font="simplified arabic,6,white,normal,normal" bkcolor="indigo" bkimage="" border="ridge,4,orange" type=2 line=0 align=center use=ex num="0,black""]
والله اني كل ماجيت اباانسى هالحلوم= واتضاهر مثل ناسن تناسى احلومها
بعثرتني ليلة الغدر في كف الهموم=وارسمت حلم الامل والعيون تلومها
مايصح الا الصحيح وتدوم اهل السلوم=وان بغيت اهدي النفس زدت اهمومها
نفسي اللي مثل طيرن من الضيقه يحوم= كلمة العاقل تحطم قوي اعزومها
ارسم البسمه غصيبه وانا منها معدوم= كلفتني بالمدارات عد انجومها
امسحي دمع الوفا لانتثر ماله لزوم= ياعيونن للسهر حاضرن مهمومها
وانت ياللي لك عن الناس صعبات الرقوم= لاتحطم فرحة العمر تكسر سومها
والله انك فوق عن كل زينات الوشوم=الحقيقه قلتها وانت ابو مفهومها
لك مكانه في ضميري عن الغيض محشوم=لاتكدر يابعد هالعيون وقومها
لايكدر خاطرك طيش فكرن ومحروم= خلها من شان عيني تروق بنومها
ادري انه يجرح الورد نفحات السموم= وادري ان الناس تلبس مقاس اهدومها
لاح برق الوسم في مدلهمات الغيوم = ينتظر ديمومتن رشها بغيومها
[/poem]
برق الوســـــــم
رد مع اقتباس
المشاركة الأصلية كتبت بواسطة سيف ابو حدين
