حكايه ليست مثل كل حكايه...وبدايه ليس لها نهايه....
يحكى أن: هناك قلب أبيض وزمن أسود وطرف آخر بينهما يغوص.
لكم النزف ولي الحرف فأقرؤها لعل تجدون مايسركم .....
[frame="7 90"]من يوم غابت وأنا مشغـول أدوّرهـا
ثمـان ألأعـوام مرّنـي علـى الخالـي
هالحيـن دقّـت بقلـبـي قلت:أذكّـرهـا
يمكن تحس بعنـاي وطـول غربالـي
أنا الذي كنت واثـق مـن مشاعرهـا
وأزيدهـا بيـت شعـر لوقتنـا الحالـي
كنت أجمل الناس لالا كنت شاعرهـا
تجرح وآسامح وأنا محبوبها الغالـي
كنت أصغر عيال حارتنا على آخرها
وأسـوّي أفعـال ماتخطـر علـى بالـي
كرهت حتى الدراسـه لجـل خاطرهـا
و شلون أدرس وأنا مأأشوفها اقبالي
أضيّـع الكـتـب والمـرسـام أكسّـرهـا
ولجـل أتغـيّـب أروح أخـبّـي نعـالـي
وان رحت للمدرسه نفسي أصبّرهـا
بالفسحه أهرب قهـر وأقطّـع ريالـي
مــن شانـهـا كــل شلـتـنـا أزبّـرهــا
مااحب أنا اللعب دايم اجلس ألحالـي
وأن فاز نادي النصر أفرح وأكدّرها
كانـت تمنّـى أصيـر مشجـع أهلالـي
هي وحدها اللي أحـب ودوم أقدّرهـا
يالين مرّ القطار وصـرت رجالـي...
تبعثـرت حلـم مـدري مــن مغيّـرهـا
الله يجـازي الظنـون ووجـه عذالـي
مليت من طـاري الذكـرى ودفاترهـا
مليـت ألأشـواق والغربـه وترحالـي
أبقـصـر السالـفـه مـانــي مكـبّـرهـا
يالله عساهـا تحـس ويــدّق جـوالـي[/frame]
رد مع اقتباس
