عـــــــــــــــــزي لــ ح ــــــــــــالي..-

[غـلاوي]

عزي لحالي والديار خلـي عقـب الراحليـن
اللي مضوا درب السفر والبعد طالـت مدتـه


أقفوا وخلوني وقلبي مجزعـه كثـر الونيـن
وخلو فراغ فالعمر كـل البشـر مـا سدتـه


خلوني أبكي بعدهم والهم فـي قلبـي دفيـن
صكت على قلبـي غرابيـل الزمـان وهدتـه

صرت أتبع الهوجاس وأسري لا ذكرت الغايبين
كنـي يتيـم مالقـا امـه راح يتلـي جدتـه

ويلاه يا وجدي عليهم وجـد مظلـوم سجيـن
خلوه ربعه يوم ضـرب الوقـت زادت شدتـه

خلوه يصـرخ ويتطلـب مالقـا قلـب يليـن
ضدوه واقفوا دون رحمه والصـوادف ضدتـه

أو وجد عـود ذره بنيـات مـا جالـه بنيـن
خارت قواه وطاح معتل وعجـز عـن كدتـه

اليا فتح عينه وإلى هن من يسار ومن يميـن
هن مالهن غيره وهـو كـف المنايـا لدتـه


القلب قطعه البكـا ونياطـه أبلاهـا الحنيـن
يسري ويهرب عن همومه والمصايب ردتـه

يا طول ليلي بعدهم يا جـور دورات السنيـن
يا ويل قلبي دام سيـف الوقـت زادت حدتـه

وعزي لحالي والديار خلي عقـب الراحليـن
اللي مضوا درب السفر والبعد طالـت مدتـه

م/ن

[العنيده]

غلاوي
لكِ جزيل الشكر على روعة اختيارك لهالنص الألييييم .
مع وافر الحب والتقدير والتقييم .


لا هنتي

[غـلاوي]

غلاوي
لكِ جزيل الشكر على روعة اختيارك لهالنص الألييييم .
مع وافر الحب والتقدير والتقييم .


لا هنتي

العفوو حبيبتي تشرفت بمرورك العطر

تحياتي

[همس الغرام]

هلا بك اختي غلاوي
صح لسان الشاعر
الله يعطيك العافيه يا الغلا على الطرح
وسلمت يمينك على كل جزل دائما
تحياتي لك
دمتي بحب وسعادة

[عيون الريم]

يا طول ليلي بعدهم يا جـور دورات السنيـن
يا ويل قلبي دام سيـف الوقـت زادت حدتـه

وعزي لحالي والديار خلي عقـب الراحليـن
اللي مضوا درب السفر والبعد طالـت مدتـه



يالبيه يعطيك الف عااافيه قصيده بقمة الرووووووووعه